🛑 ब्रेकिंग : अधिकारी होण्याचे स्वप्न अपूर्ण, १८ वर्षीय तरुणाचा अपघाती मृत्यू..

हॅलो जनता न्यूज, जळगाव – शहरातील सुप्रीम कॉलनी चौकामध्ये आज मंगळवार, सकाळी १० वाजेच्या सुमारास झालेल्या भीषण अपघातात एका दुचाकीस्वार तरुणाचा जागीच मृत्यू झाला. या घटनेने परिसरात हळहळ व्यक्त होत असून, कुटुंबीयांवर दु:खाचा डोंगर कोसळला आहे.

मृत तरुणाची ओळख प्रेम उर्फ जयपाल चरणसिंग पाटील (वय १८, रा. लोंढरी, ता. जामनेर, सध्या मुक्काम एमआयडीसी परिसर, जळगाव) अशी झाली आहे. नुकताच बारावीचा अभ्यास पूर्ण करून पुढील शिक्षणाच्या तयारीत असलेल्या जयपालच्या आकस्मिक मृत्यूने मित्रपरिवार व नातेवाईकांत शोककळा पसरली आहे.

अपघाताचा प्रकार असा घडला

मिळालेल्या माहितीनुसार, जयपाल हा मंगळवारी सकाळी एमआयडीसी भागातून दुचाकीवरून मावशीच्या घरी जात असताना सुप्रीम कॉलनी चौकात आला. तेवढ्यात भरधाव वेगात येणाऱ्या अज्ञात वाहनाने त्याच्या दुचाकीला जबर धडक दिली. या अपघातात जयपाल गंभीर जखमी झाला. नागरिकांनी तातडीने त्याला रुग्णालयात हलविले; मात्र उपचारादरम्यान त्याचा मृत्यू झाला.

अपघात घडला, कुटुंबावर शोककळा

जयपालच्या पश्चात आई-वडील व एक बहिण असा परिवार आहे. त्याचे वडील चरणसिंग पाटील हे छत्रपती संभाजीनगर जिल्ह्यातील वाळूज एमआयडीसी भागात कामगार म्हणून कार्यरत आहेत. घरातील आशेचा किरण असलेला जयपाल अल्पवयातच दुर्घटनेत हरपल्याने संपूर्ण कुटुंबीयांवर दु:खाचा डोंगर कोसळला आहे.

या प्रकरणी एमआयडीसी पोलीस स्टेशनमध्ये अज्ञात वाहनचालकाविरुद्ध गुन्हा दाखल करण्यात आला आहे. पोलिसांनी अपघातस्थळाचा पंचनामा करून पुढील तपास सुरू केला असून, संबंधित वाहनचालकाचा शोध घेण्याचे प्रयत्न सुरू आहेत. अचानक झालेल्या या दुर्दैवी अपघाताने सुप्रीम कॉलनी परिसरातील नागरिकांमध्ये संताप व भीतीचे वातावरण निर्माण झाले आहे.

इतर महत्वाच्या बातम्या…

🔴 ब्रेकिंग : नशिराबाद ग्रामस्थांचा स्मार्ट मीटरला तिव्र विरोध; आंदोलनाचा इशारा

🔴 ब्रेकिंग : गिरणा धरणाच्या पाणी पातळीत वाढ, सतर्कतेचा इशारा…

🚨 पाचोरा तालुक्यात पुन्हा मुसळधार पाऊस सुरू, नागरिकांना सतर्कतेचा इशारा