🛑 पाचोरा तालुक्याला पुन्हा अतिवृष्टीचा तडाखा, गावांमध्ये पाणी शिरल्याने संपर्क तुटला.

हॅलो जनता न्यूज, पाचोरा (नितीन गोसावी) – तालुक्यात पुन्हा एकदा मुसळधार पावसाने हाहाकार माजवला आहे. तालुक्यातील गाळण, बाळद, विठ्ठलनगरसह इतर गावांमध्ये अतिवृष्टीमुळे मोठ्या प्रमाणावर नुकसान झाले आहे. शेतकरी वर्ग पुन्हा एकदा संकटात सापडला आहे.

मुसळधार पावसामुळे शेकडो हेक्टरवरील कापूस, सोयाबीन, उडीद, मका यांसारख्या पिकांचे मोठ्या प्रमाणावर नुकसान झाले आहे. अनेक शेतांमध्ये पिके पूर्णपणे पाण्याखाली गेली असून शेतकऱ्यांच्या मेहनतीवर अक्षरशः पाणी फिरले आहे.

पाचोरा तालुक्यातील अनेक गावांमध्ये पाणी साचले…

गाळण गावातील विठ्ठलनगरसह परिसरातील खालच्या वस्तीमध्ये पाणी साचले असून नागरिकांना मोठ्या अडचणींना तोंड द्यावे लागत आहे. घरात पाणी शिरल्याने जनजीवन विस्कळीत झाले आहे. प्रशासनाने तात्काळ मदत करण्याचे आवाहन स्थानिक नागरिकांनी केले आहे.

पाचोरा : धरण भरल्याने सतर्कतेचा इशारा, अनेक गावांचा संपर्क तुटला…

परिसरातील धरणे जलाशय वेगाने भरत असून नदी नाल्यांना मोठ्या प्रमाणात पूर आलेला आहे. प्रशासनाने गाळणसह इतर गावांना सतर्कतेचा इशारा दिला आहे. नदी-नाल्यांना पूर आल्याने वाहनवाहतूक विस्कळीत झाली आहे. अनेक गावांमध्ये एसटी बसेस पुलावरून पाणी वाहत असल्याने अडकल्या आहेत. गाळण, नाचणखेडा, नगरदेवळा, बाळद या गावांना मोठा फटका बसला आहे.

इतर महत्वाच्या बातम्या…

🛑 भुसावळ : नात्याला काळीमा फासणारी घटना, अल्पवयीन मुलीवर लैंगिक अत्याचार…

🚨 सावदा शहरात जोरदार पाऊस; बाजारपेठेत पाणी साचल्याने नागरिक हैराण

💊 फार्मसी क्षेत्रात कृत्रिम बुद्धिमत्ता या विषयावरील राष्ट्रीय परिषद उत्साहात संपन्न