🚨 ब्रेकिंग : भडगाव नगरपालिका निवडणुकीचे चित्र स्पष्ट, अशा होणार लढती…

हॅलो जनता न्यूज, भडगाव – भडगाव नगरपरिषद सार्वत्रिक निवडणूक २०२५ मध्ये नगराध्यक्ष पदाकरिता यंदा त्रिपक्षीय लढत पाहायला मिळणार असून, यासाठी दाखल झालेल्या उमेदवारांची माघार प्रक्रिया पूर्ण झाली आहे. नगराध्यक्ष पदासाठी ३ उमेदवार अंतिम रिंगणात कायम राहिले आहेत. तसेच नगरसेवक पदाकरिता २४ जागांसाठी तब्बल ६८ उमेदवारांचे रिंगण तयार झाले आहे.

भडगाव : नगराध्यक्ष पदाकरिता त्रिपक्षीय मुकाबला

(अनुसूचित जमाती महिला राखीव) करिता पाटील सुशिला शांताराम (भाजपा), मालचे रेखा प्रदीप (शिवसेना), तडवी सपना निजाम (राकाॅपा) 

यापूर्वी नगराध्यक्ष तसेच विविध प्रभागातील मोठ्या संख्येने उमेदवारांनी नामनिर्देशन अर्ज दाखल केले होते. मात्र अनेक उमेदवारांनी माघार घेतल्यानंतर अंतिम आकडा स्पष्ट झाला आहे. शिवसेना शिंदे गट नगराध्यक्ष पदाकरिता एक तर नगरसेवक पदाकरिता २४ उमेदवार, भाजपा नगराध्यक्ष पदाकरिता एक तर नगरसेवक पदाकरिता २४ उमेदवार, शिवसेना उबाठा गट नगरसेवक पदाकरिता ३ उमेदवार, राकाॅपा नगराध्यक्ष पदाकरिता एक तर नगरसेवक पदाकरिता चार उमेदवार, अपक्ष नगरसेवक पदाकरिता १३ उमेदवार भडगाव नगर परिषदेच्या राजकीय आखाड्यात आहेत. एकूण २४ नगरसेवक पदाच्या जागांसाठी ६८ उमेदवारांनी निवडणूक रिंगण गाठल्याने भडगावातील राजकीय वातावरणात चुरस निर्माण झाली आहे.

मात्र अनेक उमेदवारांनी माघारी घेतल्यानंतर होणाऱ्या नगरपालिका निवडणूकित भडगाव मध्ये शिंदे सेनेला फायदा होईल असे मत राजकीय विश्लेषकांनी व्यक्त केले आहे.

निवडणुकीचा प्रचार आजपासून आणखी वेग घेणार आहे. प्रत्येक पक्ष आणि अपक्ष उमेदवार मतदारांना आकर्षित करण्यासाठी जोरदार तयारीला लागले आहेत. भडगावच्या नगराध्यक्षपदासाठी कोण मारणार बाजी? हे पाहण्यासाठी संपूर्ण तालुक्याचे लक्ष आता ०३ डिसेंबर च्या निवडणूक निकालाकडे लागले आहे.

इतर महत्वाच्या बातम्या.. 

🚨 ब्रेकिंग : भल्या पहाटे पाचोरा शहरात पोलिसांचे धडाकेबाज कोम्बिंग ऑपरेशन

🚨 ब्रेकिंग : शाळा सोडून प्रचारात फिरणाऱ्या ‘त्या’ शिक्षकांवर कारवाई होणार, जिल्हा प्रशासन अलर्ट मोडवर

🚨 ब्रेकिंग : मंत्री महाजनांनी खडसेंना डीचवले, कोण ओळखतो त्या खडसेला?