🚨 ब्रेकिंग : पाचोरा ढगफुटी, शेत पाहायला गेलेल्या शेतकऱ्याचा नाल्यात वाहून मृत्यू

desk3 weeks ago

0 168 1 minute read

हॅलो जनता न्यूज, पाचोरा (जि. जळगाव) : गेल्या आठवडाभरापासून जळगाव जिल्ह्यात पावसाने थैमान घातले आहे. पाचोरा, जामनेर आणि मुक्ताईनगर तालुक्यातील शेतकऱ्यांचे पिके, जनावरे तसेच घरांचे मोठे नुकसान झाले असताना रविवारी मध्यरात्री व सोमवारी सकाळी पाचोऱ्यात पुन्हा मुसळधार पाऊस कोसळला. या अवकाळी पावसामुळे नदी-नाल्यांना अचानक पूर आला असून शेती पिकांचे अतोनात नुकसान झाले आहे. दरम्यान, पाचोरा तालुक्यातील वरखेडी येथील शेतकरी सतीश मोहन चौधरी (वय ३५) यांचा नाल्याच्या पुरात वाहून जाऊन मृत्यू झाल्याची दुर्दैवी घटना घडली आहे.

पाचोरा ढगफुटी : नुकसानीची पाहणी करायला गेले अन्…

सतीश चौधरी हे वरखेडी गावचे रहिवासी असून शेतीसह टपाल विभागात टपाल वितरणाचे काम करत होते. मध्यरात्रीपासून मुसळधार पाऊस पडल्याने त्यांच्या शेताशेजारी वाहणाऱ्या नाल्याला मोठा पूर आला होता. सकाळी ते शेतातील नुकसानाची पाहणी करण्यासाठी गेले असता जोरदार पावसामुळे एका झाडाखाली काही वेळ थांबले. पाऊस ओसरल्यावर सांगवी मार्गे वरखेडीकडे परत येत असताना अचानक आलेल्या पुराच्या प्रवाहात ते वाहून गेले.

ग्रामस्थांनी घटनास्थळी शोध सुरू केला असता काही वेळानंतर वरखेडी बाजारपेठेतील शनी मंदिराजवळ त्यांचा मृतदेह आढळून आला. या घटनेमुळे परिसरात शोककळा पसरली असून चौधरी कुटुंबावर दुःखाचा डोंगर कोसळला आहे. पाचोरा तालुक्यातील अनेक गावे सततच्या पावसामुळे पाण्याखाली गेली असून शेतकऱ्यांचे मोठ्या प्रमाणात आर्थिक नुकसान झाले आहे. प्रशासनाकडून पंचनामे सुरू करण्यात येणार असल्याची माहिती मिळाली आहे. दरम्यान, स्थानिकांनी अतिवृष्टीच्या काळात नदी-नाल्यांजवळ जाण्याचे टाळावे, असे आवाहन करण्यात आले आहे.

इतर महत्वाच्या बातम्या…

🛑 भडगावात पूरस्थितीचे सावट; प्रशासनाकडून ‘रेड अलर्ट’ जारी

🛑 पाचोरा तालुक्याला पुन्हा अतिवृष्टीचा तडाखा, गावांमध्ये पाणी शिरल्याने संपर्क तुटला.

🛑 भुसावळ : नात्याला काळीमा फासणारी घटना, अल्पवयीन मुलीवर लैंगिक अत्याचार…