🚨 ब्रेकिंग : चोपडा शहरात भाजपाचा प्रचाराचा झंझावात, प्रभाग क्र. १३ मध्ये नागरिकांचा उस्फुर्त प्रतिसाद…

हॅलो जनता न्यूज, चोपडा – शहरात नगरपरिषदेच्या निवडणुकीची धामधूम सुरू असताना प्रभाग क्रमांक १३ मधील भाजपाच्या लोकनियुक्त नगराध्यक्ष पदाच्या उमेदवार सौ. साधना नितीन चौधरी यांच्या जनसंपर्क दौऱ्यास नागरिकांचा अत्यंत उत्स्फूर्त असा प्रतिसाद मिळाला. या भेटीदरम्यान परिसरातील महिलांनी पारंपरिक पद्धतीने औक्षण करून साधना चौधरी यांना विजयासाठी शुभेच्छा दिल्या.

यावेळी नागरिकांशी संवाद साधनांना साधना चौधरी म्हणाल्या, “तुमचा आशीर्वाद हीच आमची खरी ताकद आहे. चोपड्याच्या उज्ज्वल भविष्यासाठी, सुरक्षिततेसाठी आणि सततच्या विकासासाठी आम्ही कटिबद्ध आहोत. तुमचे एकमताने मिळालेले पाठबळच शहराचा विकास वेगाने पुढे नेईल.”

दौऱ्यात प्रभागातील नागरिकांनीही नगराध्यक्ष पदाच्या उमेदवार सौ. साधना नितीन चौधरी यांना पूर्ण पाठिंबा देण्याचा निर्धार व्यक्त केला. “चोपड्याच्या विकासाचा वेग वाढवण्यासाठी कमळ चिन्हावर बटण दाबणे हीच योग्य दिशा आहे,” असा संकल्प नागरिकांनी या प्रसंगी केला.

२ डिसेंबर २०२५ रोजी होणाऱ्या मतदानाची माहिती देताना भाजप पदाधिकारी आणि कार्यकर्त्यांनी नागरिकांना लोकशाही सणात मोठ्या संख्येने सहभागी होण्याचे आवाहन केले. “चोपड्याच्या विकासासाठी… चला कमळाच्या बटणावर ठामपणे बोट ठेवूया!” असा नारा नागरिकांनी घोषणांमधून दुमदुमवला.

या जनसंपर्क दौऱ्यात नगराध्यक्ष पदाच्या उमेदवार साधना चौधरी यांच्यासोबतच भाजप नेते जीवन चौधरी, नरेश महाजन, प्रभाग क्रमांक १३ मधील भाजपाचे अधिकृत उमेदवार संध्या महाजन आणि सुनील दादा चौधरी यांचीही उपस्थिती होती. नागरिकांशी संवाद साधत त्यांनी प्रभागातील मूलभूत सुविधा, पाणीपुरवठा, स्वच्छता, रस्ते व महिलांच्या सुरक्षेसाठी भाजप करत असलेल्या नियोजनाची माहिती दिली.

इतर महत्वाच्या बातम्या…

पाचोरा ब्रेकिंग : अटलगव्हाण गावातील विहिरीत काम करताना इलेक्ट्रिक मोटरीचा शॉक लागून मजुराचा मृत्यू

ब्रेकिंग : भडगाव नगरपालिका निवडणुकीचे चित्र स्पष्ट, अशा होणार लढती…

ब्रेकिंग : भल्या पहाटे पाचोरा शहरात पोलिसांचे धडाकेबाज कोम्बिंग ऑपरेशन