🚨 ब्रेकिंग: गाळण ग्रामपंचायतीत लाखोंचा भ्रष्ट्राचार, गावकऱ्यांची तक्रार… अन्यथा तीव्र आंदोलनाचा इशारा

हॅलो जनता न्यूज, पाचोरा – तालुक्यातील गाळण गावात १५ व्या वित्त आयोगांतर्गत झालेल्या विकासकामांमध्ये मोठ्या प्रमाणात अनियमितता व भ्रष्टाचार झाल्याचा आरोप गावकऱ्यांनी केला आहे. या संदर्भात गाळण येथील सुज्ञ नागरिकांनी जिल्हा परिषद मुख्य कार्यकारी अधिकारी मीनल करणवाल यांच्याकडे लेखी निवेदन सादर करून सखोल व निष्पक्ष चौकशीची मागणी केली आहे.

निवेदनात नमूद केल्याप्रमाणे, गावात १५ व्या वित्त आयोगाच्या निधीतून विविध विकासकामे झाल्याचे दाखविण्यात आले आहे. मात्र, ‘मेरी ग्रामपंचायत’ अ‍ॅपवरील माहिती तपासली असता अनेक कामांची लोकेशन गावात दर्शवली जात नसल्याचे समोर आले आहे. काही कामे प्रत्यक्षात गावात झालेलीच नसून ती कुठेही निदर्शनास येत नसल्याचा गंभीर आरोप ग्रामस्थांनी केला आहे.

भडगाव शिवजयंती मिरवणूक लिंक ___👇

https://www.facebook.com/share/v/1DZgjFmgFa/

याबाबत सरपंच ग्रामसेवकांकडे विचारणा केली असता समाधानकारक उत्तरे न देता उडवाउडवीची भूमिका घेतली जात असल्याचेही निवेदनात नमूद करण्यात आले आहे. नुकत्याच पार पडलेल्या ग्रामसभेत अनेक कामांबाबत सरपंच व ग्रामसेवकांना माहिती विचारली असता त्यांनी ठोस माहिती देऊ न शकल्याचा धक्कादायक प्रकार उघड झाला. काही सदस्यांनाही संबंधित कामांची माहिती नसल्याचे स्पष्ट झाल्याने ग्रामपंचायतीतील कारभारावर प्रश्नचिन्ह निर्माण झाले आहे.

चौकशी न झाल्यास गाळण वासियांचा तीव्र आंदोलनाचा इशारा…

गावकऱ्यांच्या म्हणण्यानुसार, संबंधित कामांमुळे गावाचे आर्थिक नुकसान झाले असून सार्वजनिक निधीचा अपव्यय झाल्याची शक्यता आहे. त्यामुळे संपूर्ण प्रकरणाची स्वतंत्र चौकशी करून दोषींवर कठोर कारवाई करावी, तसेच गावकऱ्यांना न्याय द्यावा, अशी मागणी करण्यात आली आहे. दरम्यान, या प्रकरणात तात्काळ चौकशी न झाल्यास ग्रामस्थांकडून आंदोलनाचा इशाराही देण्यात आला आहे. त्यामुळे गाळण ग्रामपंचायतीतील कारभाराची सखोल चौकशी होणार का आणि दोषींवर कारवाई होणार का, याकडे संपूर्ण तालुक्याचे लक्ष लागले आहे.

इतर महत्वाच्या बातम्या…

जेईई मेन्समध्ये यश संजय सोनार यांचे घवघवीत यश

भडगावात ‘श्री चक्रधर चषक’ खुल्या प्लास्टिक बॉल क्रिकेट स्पर्धेचे आयोजन

आंतरराज्य युवा विनिमय कार्यक्रम २०२६ साठी भडगांवच्या अशुतोषकुमार पाटील यांची निवड…