🚨पाचोरा ब्रेकिंग : भाजपचा भव्य परिवर्तन मेळावा, शेकडो कार्यकर्त्यांचा पक्षप्रवेश

हॅलो जनता न्यूज, पाचोरा (गजानन गिरी) : स्थानिक स्वराज्य संस्थांच्या आगामी निवडणुकांच्या पार्श्वभूमीवर भारतीय जनता पक्षाच्या वतीने आज पाचोरा येथे भव्य परिवर्तन मेळावा उत्साहात पार पडला. या मेळाव्याला तालुक्यातील विविध भागांतून कार्यकर्त्यांची मोठ्या संख्येने उपस्थिती होती.

या परिवर्तन मेळाव्यात पिंपळगाव, डांभुर्णी, सातगाव, डोंगरी तसेच परिसरातील अन्य गावांतील शेकडो तरुण आणि महिलांनी भाजपा पक्षात प्रवेश करून पक्षाची ताकद वाढवली. पक्षप्रवेशानंतर भाजप नेते मधुकर काटे यांनी नव्या कार्यकर्त्यांचे स्वागत करून पक्षविस्ताराचा निर्धार व्यक्त केला.

कार्यक्रमाच्या अध्यक्षस्थानी खासदार स्मिता वाघ होत्या. यावेळी प्रमुख उपस्थितीत भाजप जिल्हाध्यक्ष राधेश्याम चौधरी, जिल्हा परिषद सदस्य मधुकर काटे, माजी आमदार दिलीप वाघ, अमोल शिंदे, वैशाली सूर्यवंशी यांच्यासह तालुक्यातील अनेक पदाधिकारी व कार्यकर्ते उपस्थित होते.

मेळाव्यात बोलताना खासदार स्मिता वाघ यांनी सांगितले की,“भाजप हा विकास, पारदर्शकता आणि जनसेवा यांचा पक्ष आहे. पाचोरा तालुक्यातील नागरिकांनी भाजपच्या कार्यावर विश्वास दाखवला आहे. आगामी निवडणुकांमध्ये हा विश्वास मतांत रूपांतरित करून सर्व स्थानिक स्वराज्य संस्थांवर भगवा फडकवायचा आहे.”

या परिवर्तन मेळाव्यात नव्याने प्रवेश केलेल्या कार्यकर्त्यांनी पक्षविचार अंगीकारून पक्षशक्ती वाढविण्याचा संकल्प केला. संपूर्ण कार्यक्रमाला कार्यकर्त्यांचा उत्स्फूर्त प्रतिसाद मिळाला असून, पाचोरा तालुक्यात भाजपच्या संघटनात्मक शक्तीला नवचैतन्य मिळाल्याचे चित्र दिसले.

इतर महत्वाच्या बातम्या….

🚨 ब्रेकिंग: पाचोरा तालुक्यात शेतकऱ्यांचा आक्रोश, चुकीच्या पंचनाम्यांमुळे अनुदानापासून हजारो शेतकरी वंचित

🚨 पाचोरा ब्रेकिंग : भाजपाचा परिवर्तन मेळावा, भाजप नेत्यांच्या भूमिकेकडे लक्ष…

🔴ब्रेकिंग : सावद्यात शिंदेंची शिवसेना स्वबळावर लढणार?