🚨 जळगाव ब्रेकिंग : प्रभाग १३ चा कायापालट करणे हे आपले पहिले ध्येय – प्रफुल्ल देवकर

हॅलो जनता न्यूज, जळगाव – महापालिका निवडणुकीच्या पार्श्वभूमीवर, प्रभाग १३ मधील महायुतीचे उमेदवार प्रफुल्ल गुलाबराव देवकर.. नितीन सपके आणि सुरेखा तायडे यांनी मतदारांच्या गाठीभेटी घेऊन आता कॉर्नर बैठकांवर भर दिला आहे. त्यामुळे थेट मतदारांशी त्यांना थेट संवाद साधता येत आहे. मतदारांचे प्रश्न तसेच अडचणी त्यांना जाणून घेता येत आहेत.

प्रभाग क्रमांक १३ मध्ये महायुतीने आपली संपूर्ण ताकद लावली असून, उमेदवार प्रफुल्ल देवकर, नितीन सपके आणि सुरेखा तायडे यांनी प्रचाराचा दुसरा टप्पा यशस्वीपणे गाठला आहे. घरोघरी गाठी भेटी घेतल्यानंतर आता तिघांनी कॉर्नर बैठका घेऊन मतदारांशी थेट संवाद साधण्यावर भर दिला आहे.

कॉर्नर सभेतून माजी मंत्री गुलाबराव देवकर यांचा जनतेशी संवाद, बैठकांना उस्फुर्त प्रतिसाद…

प्रभागातील विविध चौक, सोसायट्यांचे आवार आणि वस्त्यांच्या कोपऱ्यांवर आयोजित केल्या जाणाऱ्या कॉर्नर बैठका आकर्षणाचे केंद्र ठरत आहेत. मोठ्या सभांपेक्षा या छोट्या बैठकांमुळे मतदारांना उमेदवारांशी मोकळेपणाने बोलता येत आहे. प्रफुल्ल देवकर यांनी प्रभाग १३ चा कायापालट करणे हे आपले पहिले ध्येय आहे.

प्रलंबित असलेले विकासाचे प्रश्न मार्गी लावण्यासाठी आम्ही कटिबद्ध आहोत. तरुणांसाठी रोजगाराभिमुख मार्गदर्शन केंद्र आणि उद्यानांचे सुशोभीकरण यावर आपला भर राहील, असेही त्यांनी सांगितले. यावेळी राष्ट्रवादी काँग्रेसचे ज्येष्ठ नेते माजी मंत्री गुलाबराव देवकर यांनीही मतदारांशी संवाद साधला.

इतर महत्वाच्या बातम्या…

🚨 ब्रेकिंग : ॲड.अविनाश सुतार यांची स्वीकृत नगरसेवक पदी निवड माजी आमदार दिलीप वाघ यांच्या हस्ते सत्कार

रोटरी क्लबच्या जळगाव ग्रीनसिटीला चार्टर प्रदान, संस्थापक अध्यक्षा धनश्री ठाकरे व नूतन पदाधिकाऱ्यांनी स्वीकारली सूत्रे

भडगाव शेतकरी सहकारी संघाच्या चेअरमनपदी राजेंद्र परदेशी, व्हाईस चेअरमनपदी हिरामण पाटोळे यांची बिनविरोध निवड.