💥 ब्रेकिंग : मुक्ताईनगरातील भाविक जम्मूत अडकले, आमदार चंद्रकांत पाटील यांनी केला फोन अन्..

हॅलो जनता न्यूज, मुक्ताईनगर (प्रतिनिधी) – जम्मू-काश्मिरमध्ये सुरू असलेल्या अतिवृष्टीमुळे हजारो पर्यटक आणि यात्रेकरू अडकून पडले आहेत. यामध्ये मुक्ताईनगर तालुक्यातील ४२ भाविकांसह त्यापेक्षा जास्त भाविक अडकल्याची माहिती समोर आली आहे. हे सर्व भाविक वैष्णोदेवी यात्रेसाठी गेले असता कटरा परिसरात थांबलेले असून मुसळधार पावसामुळे त्यांची गैरसोय झाली आहे.

या पार्श्वभूमीवर मुक्ताईनगरचे आमदार चंद्रकांत पाटील यांनी आज मोबाईलवरून या यात्रेकरूंशी संवाद साधला. संवादादरम्यान त्यांनी यात्रेकरूंची सद्यस्थिती, निवास व्यवस्था आणि अडचणींबाबत सविस्तर माहिती घेतली. तसेच या परिस्थितीत कुठल्याही प्रकारची मदत लागल्यास आपण तत्पर आहोत, असे आश्वासन त्यांनी दिले.

मुक्ताईनगर येथील भाविक सुखरूप, आमदारांनी साधला संवाद

भाविकांनीही आमदारांशी संवाद साधताना सुरक्षित असल्याचे सांगितले मात्र पावसामुळे वाहतूक व्यवस्थेत अडथळे निर्माण झाल्याचे नमूद केले. पावसाचा जोर ओसरल्यावर परतीचा प्रवास सुरू करता येईल, अशी माहिती त्यांच्याकडून मिळाली.

आमदार चंद्रकांत पाटील यांनी संबंधित प्रशासनाशी संपर्क साधून मुक्ताईनगर तालुक्यातील सर्व भाविक सुरक्षितपणे परत येतील यासाठी आवश्यक ती मदत करण्याचे आश्वासन दिले आहे. मुक्ताईनगरातील ग्रामस्थांनीही या भाविकांच्या सुखरूप परतीसाठी प्रार्थना व्यक्त केली असून स्थानिक पातळीवर परिस्थितीवर लक्ष ठेवण्यात येत आहे.

इतर महत्वाच्या बातम्या…

💥श्री. दादाजी धुनीवाले प्रतिष्ठान, सांगवी येथे गुरुमाऊली सेवानंदजी महाराज यांच्या पुण्यतिथी निमित विविध कार्यक्रमाचे आयोजन…

💥 ब्रेकिंग : सामाजिक कार्यकर्ते मुकुंद गोसावी यांना समाज भूषण पुरस्कार

💥 ब्रेकिंग : दिवाळीत सोने खरेदी करायचे आहे मग ही बातमी वाचा…