💥 ब्रेकिंग: मुख्यमंत्री फडणवीस दिल्लीत जाणार का? फडणवीसांचे वक्तव्य चर्चेत

हॅलो जनता न्यूज, मुंबई – राज्यातील राजकीय वर्तुळात गेल्या काही दिवसांपासून भाजपचे वरिष्ठ नेते व मुख्यमंत्री देवेंद्र फडणवीस यांची भाजपच्या राष्ट्रीय अध्यक्षपदी नियुक्ती होणार अशी चर्चा रंगली होती. मात्र, या सर्व चर्चांना स्वतः फडणवीस यांनी पूर्णविराम देत २०२९ पर्यंत राज्यातच राहणार असल्याचे स्पष्ट विधान केले आहे.

फडणवीस म्हणतात, मी दिल्ली पासून तुर्तास दूर…

गेल्या दोन-तीन दिवसांत फडणवीस यांनी काही वृत्तवाहिन्यांना दिलेल्या मुलाखतीत तसेच शुक्रवारी दिल्ली भेटीदरम्यान पत्रकारांशी झालेल्या अनौपचारिक चर्चेत या विषयावर आपली भूमिका स्पष्ट केली. ‘‘दिल्ली माझ्यासाठी तूर्त तरी दूरच आहे,’’ असे ठामपणे सांगत त्यांनी राष्ट्रीय अध्यक्षपदाच्या शक्यतांना नकार दिला.

फडणवीस म्हणतात : २०२९ पर्यंत मी राज्यातच राहणार

भाजपच्या राष्ट्रीय अध्यक्षपदाची नियुक्ती गेल्या काही महिन्यांपासून रखडलेली असून, यासाठी अनेक केंद्रीय नेत्यांची नावे चर्चेत आहेत. या चर्चेत देवेंद्र फडणवीस यांचे नाव वारंवार घेतले जात होते. मात्र, फडणवीस यांनी ही शक्यता फेटाळून लावली आहे.

फडणवीस यांनी व्यक्त केलेल्या विश्वासातून २०२९ मधील विधानसभा निवडणूक महायुती त्यांच्या नेतृत्वाखाली लढेल, असा अंदाज वर्तवला जात आहे. काहींच्या मते पुढील तीन वर्षांसाठी अन्य एखाद्या वरिष्ठ नेत्याला राष्ट्रीय अध्यक्षपद दिले जाईल आणि २०२८ मध्ये फडणवीस दिल्लीकडे वळतील. मात्र, “२०२९ पर्यंत मी राज्यातच राहणार,” असे ठामपणे सांगून त्यांनी ही शक्यताही फेटाळून लावली आहे.

राजकीय चर्चेला अधिक चालना देणारे हे वक्तव्य आता महायुतीच्या पुढील राजकीय समीकरणांसाठी महत्त्वपूर्ण मानले जात आहे. दिल्लीपेक्षा महाराष्ट्राला प्राधान्य देऊन फडणवीस यांनी स्वतःच्या नेतृत्वाबाबतचा आत्मविश्वास पुन्हा एकदा अधोरेखित केला आहे.

इतर महत्वाच्या बातम्या…

💥 ब्रेकिंग : चाळीसगाव तालुक्याला मुसळधार पावसाचा तडाखा, अनेक घरात शिरले पाणी…

💥 ब्रेकिंग : गिरणा धरणाच्या पाणी पातळीत मोठी वाढ; नागरिकांना सतर्कतेचा इशारा..

💥 ब्रेकिंग : पाचोरा तालुक्यात पाऊस सुरूच; प्रशासनाकडून सतर्कतेचा इशारा