💥 ब्रेकिंग : जळगावात हिंदू समाज आक्रमक : “सनातन द्रोही पृथ्वीराज चव्हाण यांच्यावर …

हॅलो जनता न्यूज, जळगाव : माजी मुख्यमंत्री पृथ्वीराज चव्हाण यांनी केलेल्या “सनातनी आतंकवाद” या वादग्रस्त विधानाचा तीव्र निषेध करत रविवारी दि.२२ ऑगस्ट जळगाव शहरात विविध हिंदुत्वनिष्ठ संघटनांच्या वतीने आंदोलन करण्यात आले. यावेळी “सनातन द्रोही पृथ्वीराज चव्हाण यांच्यावर कारवाई करा” अशी जोरदार घोषणाबाजी करण्यात आली.

या आंदोलनात सनातन संस्था, हिंदु जनजागृती समिती, श्री शिवप्रतिष्ठान हिंदुस्थान, योग वेदांत सेवा समिती, रणरागिणी समिती, राष्ट्र भक्त अधिवक्ता समिती, महाराष्ट्र मंदिर महासंघ, हिंदु राष्ट्र समन्वय समिती, स्वामीनारायण संप्रदाय, वारकरी संप्रदाय, वीर बाजीप्रभु गणेश मंडळ, श्री महाबली ढोल पथक, हिंदू महासभा, अधिवक्ता संघ तसेच सकल हिंदू समाज आदी अनेक हिंदुत्ववादी संघटना व संप्रदायांचे प्रतिनिधी मोठ्या संख्येने उपस्थित होते. एकूण २०० हून अधिक साधक व धर्मप्रेमी बांधवांनी सहभाग घेतला.

हिंदू आंदोलन : आंदोलनातील प्रमुख मागण्या

1. पृथ्वीराज चव्हाण यांच्या वादग्रस्त विधानांची सखोल चौकशी करावी.

2. सनातन धर्माचा अपमान केल्याप्रकरणी धार्मिक भावना दुखावल्याबद्दल त्यांच्यावर गुन्हा दाखल करावा.

3. भविष्यात अशा प्रकारच्या विधानांना आळा घालण्यासाठी राजकीय नेत्यांसाठी स्पष्ट आचारसंहिता निश्चित करावी.

हिंदुत्वनिष्ठ संघटनांच्या प्रतिनिधींनी सांगितले की, “सनातन धर्म ही भारतीय संस्कृतीची जीवनरेखा आहे. त्याला ‘आतंकवाद’ असा शिक्का मारणे म्हणजे कोट्यवधी हिंदूंच्या भावना दुखावण्यासारखे आहे. राजकीय नेत्यांनी अशा प्रकारचे बेताल विधान करणे अत्यंत धोकादायक आहे. त्यामुळे संबंधितांवर तातडीने कायदेशीर कारवाई केली जावी.” या आंदोलनातून प्रशासनाला निवेदन देण्यात आले असून मागण्या मान्य न झाल्यास पुढील काळात उग्र आंदोलन छेडण्याचा इशाराही यावेळी देण्यात आला.

इतर महत्वाच्या बातम्या…

💥 ब्रेकिंग : पैसा किंवा खुर्चीसाठी मी पक्ष सोडला नाही, वैशाली सूर्यवंशी यांनी पत्रकार परिषदेत केला खुलासा…

💥 ब्रेकिंग : लाडकी बहीण योजनेसंदर्भात मोठी अपडेट, यांच्यावर होणार कारवाई

💥 ब्रेकिंग : जळगावात कृषी विभाग ॲक्शन मोडवर : १९ कृषी परवान्यांचे निलंबन