💥 ब्रेकिंग : जळगावात कृषी विभाग ॲक्शन मोडवर : १९ कृषी परवान्यांचे निलंबन

हॅलो जनता न्यूज, जळगाव – जळगाव जिल्ह्यात कृषी विभाग ॲक्शन मोडवर आला असून नियमांचे पालन न करणाऱ्या कृषी परवानाधारकांवर कठोर कारवाई करण्यात येत आहे. विविध कारणास्तव कृषी विभागाने एप्रिल महिन्यातच १९ कृषी परवान्यांवर निलंबनाची कारवाई केली आहे, तर २ विक्रेत्यांना सक्त ताकीद देण्यात आली असून, सुधारणा न झाल्यास त्यांच्यावरही निलंबनाची कारवाई केली जाणार आहे.

जिल्हा अधीक्षक कृषी अधिकारी कुर्बान तडवी, जिल्हा गुणवत्ता नियंत्रक विकास बोरसे यांच्या उपस्थितीत झालेल्या सुनावणीत परवाने निलंबित करण्यात आले आहेत. जिल्ह्यातील विविध कृषी केंद्रांच्या तपासणीत अनियमितता तसेच नियमांचे उल्लंघन न आढळले होते.

काही परवाने तात्पुरत्या कालावधीसाठी निलंबित करण्यात आले आहेत. राज्य शासनाच्या आणि जिल्हा परिषदेच्या कृषी विभागाच्या वतीने मार्च महिन्यापासून कृषी केंद्रांची तपासणी सुरू झाली आहे. अनियमिततेसह अन्य बेकायदेशीर बाबी निदर्शनास आल्या. त्यामुळे शेतकरी हितासाठी कृषी विभागाने कारवाई करण्यास सुरुवात केली आहे.

तसेच शेतकऱ्यांना कृषी केंद्रांकडून कीटकनाशके खते मिळण्यास अडचण येत असल्यास किंवा रासायनिक खते जादा दराने दुकानदार विक्री करत असल्यास तात्काळ कृषी विभागाशी संपर्क साधण्याचे आवाहन जिल्हा अधीक्षक कृषी अधिकारी जळगाव यांनी केले आहे.

इतर महत्वाच्या बातम्या…

💥 ब्रेकिंग : विद्यापीठात महिलांचे हक्क व सुरक्षा विषयावरील व्याख्यानाचे आयोजन

💥 ब्रेकिंग : ठाकरे गटाच्या नेत्या वैशाली सूर्यवंशी यांचा शेकडो कार्यकर्त्यांसह भाजपमध्ये भव्य प्रवेश

💥नहीं भो ताईले ईडी नी भीती दाखाडी हुई म्हणून भाजपमा प्रवेश… मतदार संघात चर्चांना उधाण