💥 ब्रेकिंग : शेतकऱ्यांसाठी आनंदाची बातमी : सेंद्रिय शेतीसाठी कृषी विभागाची ‘स्लरी फिल्टर युनिट योजना’

हॅलो जनता न्यूज, जळगाव – जिल्हा परिषद कृषी विभागाच्या सेंद्रिय शेती योजनेंतर्गत शेतकऱ्यांना मोठा दिलासा देणारी ‘स्लरी फिल्टर युनिट योजना’ जाहीर करण्यात आली आहे. या योजनेतून शेतकऱ्यांना सेंद्रिय शेतीला प्रोत्साहन देण्यासाठी ५० टक्के अनुदानावर स्लरी फिल्टर युनिट उपलब्ध करून दिले जाणार आहे.

कृषी विभाग योजना : रॅली फिल्टर युनिटचे महत्त्व

हे युनिट विशेषतः ड्रिप व स्प्रिंकलर सिंचन पद्धतीतून सेंद्रिय द्रव खतांचे योग्य वितरण करण्यासाठी तयार केले जाते. यामुळे गाई, म्हशी आदी जनावरांपासून मिळणाऱ्या शेण, गोमूत्र व अन्य सेंद्रिय घटकांपासून तयार खतांचे पिकांमध्ये फिल्टरद्वारे सोपे वितरण करता येते. या प्रक्रियेमुळे रासायनिक खतांचा वापर कमी होऊन उत्पादनक्षमता वाढते, जमिनीची सुपीकता टिकून राहते आणि खर्चात बचत होते.

कृषी विभाग योजना : इतका मिळणार लाभ..

१) ५०० लिटर पर्यंत देय अनुदान १० हजार ७५० रुपये

२) ५०१ ते ११०० लिटर पर्यंत देय अनुदान १४ हजार रुपये

३) १३०० ते १५०० लिटर पर्यंत देय अनुदान १८ हजार रुपये..

कृषी विभाग योजना : अर्ज करण्याची अंतिम तारीख

इच्छुक शेतकऱ्यांनी आपले अर्ज २५ ऑगस्ट २०२५ ते ५ सप्टेंबर २०२५ या कालावधीत पंचायत समिती स्तरावर संबंधित कृषी विकास अधिकाऱ्यांकडे जमा करावेत, असे जिल्हा परिषदेचे कृषी विकास अधिकारी पद्मनाभ म्हस्के यांनी कळवले आहे.

कृषी विभाग योजना : अर्जासोबत आवश्यक कागदपत्रे

• ७/१२ उतारा
• ८अ
• जनावर असल्याचे पशुवैद्यकीय अधिकारी/पशुधन पर्यवेक्षक यांचे प्रमाणपत्र
• अर्जदाराची नोंदणी पत्र
• बँक पासबुक झेरॉक्स
• आधार कार्ड झेरॉक्स
• जातीचे प्रमाणपत्र (लागू असल्यास)

पूर्ण अर्ज संबंधित पंचायत समिती, कृषी विभागाकडे निर्धारित मुदतीत सादर करणे आवश्यक आहे.

इतर महत्वाच्या बातम्या…

💥 ब्रेकिंग : सिंहस्थ कुंभमेळ्याच्या कामांवर परप्रांतीयांचा डल्ला, छगन भुजबळांची नाराजी….

💥 ब्रेकिंग : जळगावात हिंदू समाज आक्रमक : “सनातन द्रोही पृथ्वीराज चव्हाण यांच्यावर …

💥 ब्रेकिंग : पैसा किंवा खुर्चीसाठी मी पक्ष सोडला नाही, वैशाली सूर्यवंशी यांनी पत्रकार परिषदेत केला खुलासा…