💥ब्रेकिंग : शाळेतून पळवून नेत अल्पवयीन मुलीवर अत्याचार, मुलीचा भाऊ असल्याचा बनाव….

हॅलो जनता न्यूज, जळगाव – भुसावळ शहरात एका १६ वर्षीय शाळकरी मुलीचे अपहरण करून तिच्यावर अत्याचार केल्याची धक्कादायक घटना उघडकीस आली आहे. या प्रकरणी तौसिफ जहाबाद तडवी (वय २२, रा. पाल, ता. रावेर) याला पोलिसांनी अटक केली. बुधवारी न्यायालयात हजर केल्यानंतर न्यायालयाने त्यास १८ ऑगस्टपर्यंत पोलिस कोठडी सुनावली.

अत्याचार : असे केले अपहरण…

मिळालेल्या माहितीनुसार, पीडित मुलगी भुसावळ येथील रहिवासी असून ती शहरातीलच एका शाळेत शिकते. ७ ऑगस्ट रोजी आरोपी तौसिफ तडवी हा शाळेत पोहोचला. त्याने मुख्याध्यापकांना लेखी अर्ज देत मुलीचा भाऊ असल्याचे खोटे सांगितले व त्यांची दिशाभूल करून मुलीला सोबत नेले. त्यानंतर आरोपीने पीडितेला मुंबई, चोपडा आणि जळगाव येथे फिरविले. ९ ऑगस्ट रोजी जळगाव शहरातील एका हॉटेलमध्ये आरोपीने पीडित मुलीवर अत्याचार केला, असे तक्रारीत नमूद आहे.

घटनेनंतर पीडितेच्या वडिलांनी तात्काळ भुसावळ बाजारपेठ पोलिस ठाण्यात तक्रार दाखल केली. त्यानुसार १२ ऑगस्ट रोजी रात्री आरोपीविरुद्ध गुन्हा दाखल करण्यात आला. काही तासांतच पोलिस पथकाने आरोपीस यावल परिसरातून जेरबंद केले.

सध्या पोलिस या प्रकरणाचा पुढील तपास करत असून, आरोपीने मुलीला पळवून नेण्यामागील उद्देश, त्याच्या सहकाऱ्यांची माहिती तसेच इतर ठिकाणच्या हालचालींचा तपास सुरु आहे. या घटनेमुळे भुसावळ शहरात खळबळ उडाली आहे.

इतर महत्वाच्या बातम्या…

💥ब्रेकिंग : अवैध सट्टेबाजी ॲप प्रकरणात प्रसिद्ध क्रिकेटपटू ईडीच्या रडारवर

💥ब्रेकिंग : जिल्ह्यातील हजारो लाडक्या बहिणीचे लाभ धोक्यात, पडताळणी सुरू पहा यादी…

💥ब्रेकिंग : जनादेशचोर आणि कफनचोरांचा मुद्दा रंगला; फडणवीस ठाकरे यांच्यात जुंपली