💥ब्रेकिंग : जामनेरमध्ये मारहाणीत तरुणाचा मृत्यू, मारहाणीच्या घटनेने शहरात तणाव

हॅलो जनता न्यूज, जामनेर – शहरातून आज दुपारी एक धक्कादायक घटना समोर आली आहे. काही अज्ञात व्यक्तींनी तरुणावर झालेल्या निर्दयी मारहाणीमुळे त्याचा मृत्यू झाला असून, या घटनेमुळे शहरात प्रचंड तणाव निर्माण झाला आहे. मृत तरुणाचे नाव सुलेमान रहीम खाँ पठाण (वय 20, रा. छोटी बेटावद, ता. जामनेर) अशी झाली आहे.

जामनेर मारहाण प्रकरण : नेमका वाद काय?

मिळालेल्या माहितीनुसार, सुलेमान खान हा आज सकाळी काही कामानिमित्त जामनेर येथे आला होता. दुपारच्या सुमारास शहरातील एका कॅफेत काही अज्ञात तरुणांनी त्याच्यावर अचानक हल्ला करून जबर मारहाण केली. यानंतर सुलेमानला त्याच्या गावी परत पाठवण्यात आले. . घटनेची माहिती मिळाल्यावर सुलेमानच्या आई-वडिलांसह इतरांनी पुन्हा वाद केल्याने त्याचे रूपांतर पुन्हा मारहाणीत झाले. यात सुलेमान गंभीर जखमी झाला असून उपचारादरम्यान त्याचा मृत्यू झाला.

जामनेर मारहाण : पोलिस अधीक्षक घटनास्थळी दाखल..

घटनेची माहिती मिळताच जळगाव जिल्ह्याचे पोलीस अधीक्षक महेश्वर रेड्डी यांनी जामनेर पोलीस ठाण्याला भेट देत तपासाची माहिती घेतली. प्राथमिक माहितीनुसार, हा हल्ला हिंदू तरुणांच्या गटाकडून झाल्याचे समोर येत असले तरी नेमके कारण अद्याप स्पष्ट झालेले नाही. पोलिसांनी सर्व बाबींचा तपास सुरू केला असून, हल्लेखोरांचा शोध घेण्यासाठी पथके कार्यरत आहेत.

घटनेनंतर मुस्लिम समाजातील नागरिकांनी जामनेर पोलीस ठाण्यासमोर मोठ्या प्रमाणात जमाव केला, ज्यामुळे परिसरात तणावाचे वातावरण पसरले. कायदा-सुव्यवस्था राखण्यासाठी अतिरिक्त पोलीस फौज तैनात करण्यात आली आहे. पोलिस प्रशासन नागरिकांना शांतता व संयम पाळण्याचे आवाहन करत असून, अफवांवर विश्वास न ठेवण्याचे सांगत आहे.जामनेरमधील ही घटना केवळ स्थानिकच नव्हे तर जिल्हास्तरावरही चर्चेचा विषय ठरली असून, तपास पूर्ण होईपर्यंत परिस्थितीवर पोलीस प्रशासनाचे बारीक लक्ष आहे.

इतर महत्वाच्या बातम्या…

💥ब्रेकिंग : जळगावात उच्चभ्रू वस्तीत देहविक्री रॅकेटचा पर्दाफाश, पोलिसांनी अशी केली कारवाई…

💥ब्रेकिंग : स्टार्टअप उद्योजकांसाठी सुवर्णसंधी! KCIIL मार्फत स्टार्टअप इन्क्युबेशनसाठी मोठी संधी…

💥ब्रेकिंग : गुरुकुल इंटरनॅशनल स्कूलचा विजयाचा श्रीगणेशा: अक्षिता शेख तालुकास्तरीय कॅरम स्पर्धेत विजयी