💥ब्रेकिंग : धनंजय शिरीष चौधरी यांची प्रदेश काँग्रेसमध्ये भक्कम वाटचाल, २६ व्या वर्षी प्रदेश सरचिटणीसपदाची धुरा

desk24 hours ago

0 7 1 minute read

हॅलो जनता न्यूज, मुंबई | प्रतिनिधी

रावेर-यावल विधानसभा मतदारसंघातील तरुण, अभ्यासू आणि जनसंपर्कात नेहमी अग्रेसर असलेले धनंजय शिरीष चौधरी यांची महाराष्ट्र प्रदेश काँग्रेस कमिटीच्या नव्याने विस्तारलेल्या कार्यकारिणीत प्रदेश सरचिटणीस* म्हणून नियुक्ती करण्यात आली आहे. काँग्रेसचे राज्याध्यक्ष हर्षवर्धन सापकळ यांच्या नेतृत्वाखाली व वरिष्ठ नेत्यांच्या विश्वासाने ही निवड करण्यात आली आहे.

धनंजय चौधरी हे अवघ्या २६ वर्षांचे असून, इतक्या लहान वयात पक्षाने त्यांच्यावर ठेवलेला विश्वास अत्यंत उल्लेखनीय मानला जात आहे. त्यांच्या या निवडीमुळे रावेर-यावल मतदारसंघातील युवकांमध्ये आनंदाची लाट पसरली असून, ही संधी जनतेच्या विश्वासामुळेच मिळाल्याचे त्यांनी नमूद केले आहे.

“काँग्रेस विचारसरणीवर ठाम विश्वास”

धनंजय चौधरी यांनी प्रतिक्रिया देताना सांगितले, “राजकारण आणि आपल्या राज्याच्या सामाजिक वातावरणाची जाणीव होऊ लागल्यापासून मी काँग्रेस पक्षाच्या विचारसरणीवर निष्ठेने विश्वास ठेवला आहे. ‘एक भारत’ आणि ‘विविधतेतील एकता’ ही काँग्रेसची मूळ संकल्पना माझ्या मनात खोलवर रुजलेली आहे. आता पक्षाने मला जी जबाबदारी सोपवली आहे, ती मी संपूर्ण मनोभावे पार पाडणार आहे.”

काँग्रेस पक्ष अन् कुटुंबाची देणगी आणि प्रेरणा

धनंजय चौधरी हे काँग्रेसचे माजी खासदार आणि ज्येष्ठ नेते स्व. मधुकरराव चौधरी यांचे नातू असून, सध्या काँग्रेसमध्ये सक्रिय असलेल्या शिरीष दादा चौधरी यांचे सुपुत्र आहेत. “माझे वडील हेच माझे पहिले मार्गदर्शक असून, त्यांच्याकडून मला राजकीय प्रामाणिकपणा आणि संयम शिकायला मिळाला. आजोबा मधुकरराव चौधरी जर आज हयात असते, तर ते नक्कीच माझ्या या प्रवासाचा अभिमान बाळगले असते,” असे त्यांनी भावनिक शब्दांत सांगितले.

काँग्रेस पक्षाचे संघटन मजबूत करण्याचा संकल्प

नव्या नियुक्तीनंतर कार्यकारिणीतील सर्व पदाधिकाऱ्यांचे अभिनंदन करताना त्यांनी म्हटले की, “आपण सर्वजण मिळून संघटना अधिक मजबूत करू. मी शिस्तबद्ध संघटन बांधणीवर भर देईन आणि पक्ष नेतृत्वाच्या अपेक्षा पूर्ण करण्यासाठी सदैव तत्पर राहीन.”

धनंजय चौधरी यांच्या या नियुक्तीमुळे काँग्रेस पक्षाला नव्या पिढीचा उत्साही, अभ्यासू व लोकाभिमुख नेतृत्व लाभले आहे, असे म्हणायला हरकत नाही. आगामी काळात त्यांच्याकडून रावेर-यावल मतदारसंघात आणि प्रदेश स्तरावर पक्षसंघटन व युवकांसाठी उल्लेखनीय कार्य होईल, अशी अपेक्षा काँग्रेस नेत्यांनी व्यक्त केली आहे.

इतर महत्वाच्या बातम्या…

💥ब्रेकिंग : चाळीसगावात खतांची चढ्या दराने विक्री, शेतकऱ्यांची होतेय आर्थिक लूट

💥ब्रेकिंग : AI चा दणका, नामांकित कंपनींच्या १२ हजार कर्मचाऱ्यांच्या नोकऱ्या जाणार…

💥ब्रेकिंग : किडा चावल्यास तात्काळ “हा” उपाय करा, लगेच मिळेल आराम…