🚨 मराठा आंदोलकांचा गुणरत्न सदावर्ते यांच्या गाडीवर हल्ला; नेमक काय घडलं…

desk3 weeks ago

0 283 1 minute read

हॅलो जनता न्यूज, जालना – जिल्ह्यात रविवारी दुपारी घडलेल्या एका धक्कादायक प्रकारामुळे परिसरात तणावाचे वातावरण निर्माण झाले आहे. मराठा आरक्षणाला सातत्याने विरोध करणारे आणि मनोज जरांगे पाटील यांच्यावर कठोर टीका करणारे सुप्रसिद्ध वकील ॲडव्होकेट गुणरत्न सदावर्ते यांच्या गाडीवर मराठा आंदोलकांनी हल्ला केल्याची माहिती समोर आली आहे. विशेष म्हणजे हा प्रकार पोलिसांच्या कडक बंदोबस्तात घडल्यामुळे प्रशासनाच्या सुरक्षाव्यवस्थेवर मोठे प्रश्नचिन्ह निर्माण झाले आहे.

मिळालेल्या माहितीनुसार, ॲड. सदावर्ते रविवारी दुपारी जालन्यातील धनगर समाजाच्या सुरू असलेल्या उपोषणाला पाठिंबा देण्यासाठी दाखल झाले होते. त्यांचा गाड्यांचा ताफा उपोषणस्थळी मार्गक्रमण करत असताना रस्त्याच्या दोन्ही बाजूंना मोठ्या संख्येने मराठा आंदोलक उभे होते. पोलिसांनी मोठा बंदोबस्त ठेवला असला तरी काही आंदोलक पोलिसांना चकवा देत थेट सदावर्ते यांच्या गाडीपर्यंत पोहोचले.

यानंतर आंदोलकांनी सदावर्ते यांच्या लिमोझिन कारवर धाव घेत काचांवर जोरदार फटके मारले. अचानक झालेल्या या हल्ल्यामुळे तणावाचे वातावरण निर्माण झाले. मात्र, पोलिसांनी तत्काळ हस्तक्षेप करत परिस्थिती नियंत्रणात आणली. या घटनेनंतर घटनास्थळी मोठी गर्दी जमली होती. पोलिसांनी आंदोलकांना हटवून वाहतुकीची कोंडी दूर केली. या प्रकरणी अद्याप अधिकृत गुन्हा नोंदविण्याची प्रक्रिया सुरू असल्याची माहिती समोर येत आहे.

दरम्यान, गुणरत्न सदावर्ते यांच्या गाडीवर झालेल्या या हल्ल्यामुळे राजकीय वर्तुळात आणि कायदे व्यवसायातही मोठी खळबळ उडाली आहे. आरक्षणाच्या प्रश्नावरून आधीच राज्यात तीव्र आंदोलन सुरू असताना आता या घटनेमुळे वातावरण आणखी चिघळण्याची शक्यता वर्तवली जात आहे.

इतर महत्वाच्या बातम्या…

🛑 ब्रेकिंग : त्र्यंबकेश्वर येथे पत्रकारांवर हल्ला : मंत्री गिरीश महाजन यांचा निषेध

🚨जळगावात खळबळ : बेपत्ता तरुणाचा जीभ कापलेला मृतदेह मेहरूण तलावात आढळला

🚨 ४८ तासांच्या शोध कार्यानंतर नीताचा मृतदेह आढळला तर धक्क्याने आजोबांचा मृत्यू, पाचोऱ्यात धक्कादायक घटना