हॅलो जनता न्यूज, मुंबई | राजकीय वर्तुळात चर्चेला उधाण आणणारी एक घटना नुकतीच घडली आहे. राज्याचे मंत्री आणि भाजपचे नेते गिरीश महाजन यांनी शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांना वाढदिवसाच्या शुभेच्छांसाठी फोन केला. यामुळे राजकीय वर्तुळात अनेक शक्यता आणि चर्चांना उधाण आले आहे.

गिरीश महाजन यांनी पत्रकारांशी बोलताना सांगितले, “उद्धवजींना मी मनापासून शुभेच्छा दिल्या. वाढदिवस हा एक वेगळा प्रसंग असतो. नेहमी भांडत राहावे असे नाही. जे भेटले ते भेटले, त्यात काही वाईट नाही. राज ठाकरे उद्धवजींना भेटले, त्यातही गैर काही नाही. मी सुद्धा फोन केला, पण बोलणं झालं नाही. तरी शुभेच्छा दिल्याच पाहिजेत.”

महाजन यांच्या या वक्तव्यानंतर राजकीय सलोख्याच्या शक्यता व्यक्त केल्या जात आहेत. काहीजण याला राजकीय सौजन्य मानत असले, तरी काहीजण यामागे आगामी निवडणुकीची रणनीती असल्याचा तर्क लावत आहेत.

मंत्री महाजन आणि खडसे वादावर चर्चा?

दरम्यान, एकनाथ खडसे यांचे जावई डॉ. प्रांजल खेवलकर यांची रेव्ह पार्टी प्रकरणात अटक झाल्यानंतर महाजन आणि खडसे यांच्यातील जुना वाद पुन्हा उफाळून आला आहे. खडसे यांनी ही अटक म्हणजे “राजकीय सूड” असल्याचा आरोप केला आहे, तर महाजन यांनी हे आरोप फेटाळले आहेत. त्यामुळे या दोघांमधील वाकयुद्ध चांगलेच रंगले आहे.

मात्र खडसेंच्या जावयाला झालेल्या अटकेवरुन संजय राऊत यांनी मंत्री गिरीश महाजन यांच्यावर विखारी भाषेत टीका केली. यासंदर्भात मंत्री गिरीश महाजन उद्धव ठाकरे यांच्याकडे या संदर्भात चर्चा करणार आहेत का? असा देखील एक तर्क लावला जात आहे.

इतर महत्वाच्या बातम्या…

💥 ब्रेकिंग : लोणावळा हादरले ! तरुणीचे अपहरण करून कारमध्ये तिघांचा अत्याचार, हात पाय बांधून केले दुष्कृत्य…

💥 ब्रेकिंग : माऊली फाऊंडेशनचा ५०१ वृक्ष लागवड संगोपन संकल्प…!

💥 ब्रेकिंग : जयहिंद लोकचळवळ आणि भडगाव फर्स्टचा हिरवागार उपक्रम