🛑चोपडा कृषी उत्पन्न बाजार समितीची ऐतिहासिक कामगिरी, जळगाव जिल्ह्यात प्रथम…

हॅलो जनता न्यूज, चोपडा (जि. जळगाव) : चोपडा कृषी उत्पन्न बाजार समितीने सन २०२४-२५ या वर्षात उत्कृष्ट कामगिरी करत ऐतिहासिक यशाची नोंद केली आहे. महाराष्ट्र राज्य बाजार समिती सहकारी संघ मर्यादित, पुणे यांच्या वतीने दिला जाणारा कै. वसंतरावदादा पाटील स्मृती पुरस्कार – २०२५ मध्ये चोपडा बाजार समितीने नाशिक विभागातून द्वितीय क्रमांक पटकावला.

पुणे येथील विणकर सभागृह, पद्मावती येथे पार पडलेल्या ५६ व्या वार्षिक सर्वसाधारण सभेत चोपडा बाजार समितीला स्मृतिचिन्ह देत गौरविण्यात आले. यावेळी प्रवीणकुमार नाहाटा, संतोष सोमवंशी, किशोर कुलकर्णी यांच्यासह अनेक मान्यवरांच्या उपस्थितीत हा सन्मान समितीला प्राप्त झाला. विशेष म्हणजे, जळगाव जिल्ह्यात प्रथम क्रमांक मिळवून आपली गुणवत्ता सिद्ध केल्यानंतर आता नाशिक विभागातही चोपडा बाजार समितीने यशाचा झेंडा फडकावला आहे.

समितीचे कामकाज आमदार चंद्रकांत सोनवणे, माजी आमदार सौ. लताताई सोनवणे, पणन महासंघाचे उपाध्यक्ष रोहित निकम आणि जिल्हा बँकेचे संचालक गोविंद अग्रवाल यांच्या मार्गदर्शनाखाली पारदर्शकपणे व सुरळीत सुरू आहे. या यशामध्ये सभापती नरेंद्र पाटील, उपसभापती विनायकराव चव्हाण, संचालक मंडळ तसेच सर्व कर्मचारी वर्गाच्या मेहनतीचे महत्त्वपूर्ण योगदान आहे.

“भविष्यातही चोपडा बाजार समिती प्रगती करत शेतकऱ्यांचे हित जपेल” – रोहित निकम

पणन महासंघाचे उपाध्यक्ष रोहित निकम यांनी या यशाबद्दल प्रतिक्रिया देताना म्हटले की, “चोपडा कृषी उत्पन्न बाजार समितीने मिळवलेले हे यश म्हणजे संपूर्ण तालुक्यातील शेतकऱ्यांचा विजय आहे. सभापती, उपसभापती, संचालक मंडळ आणि सर्व कर्मचाऱ्यांनी मेहनतीने काम करून हा मान मिळविला आहे. यासाठी मी त्यांचे मनःपूर्वक अभिनंदन करतो. तसेच चोपडा तालुक्यातील सर्व शेतकऱ्यांना हार्दिक शुभेच्छा देतो की, भविष्यातही बाजार समिती अशीच प्रगती करत शेतकऱ्यांचे हित जपेल.”

इतर महत्वाच्या बातम्या…

🛑धक्कादायक : पाचोरा शहराच्या मुख्य स्मशानभूमीत धक्कादायक प्रकार, नातेवाईकांनी चारचाकी वाहनाचे लाईट लावून केला अंत्यसंस्कार…

🛑 ब्रेकिंग : जळगाव जिल्ह्यात ३२ जलस्रोत जैविकदृष्ट्या बाधित

🛑 ब्रेकिंग : जळगावात मनसे आक्रमक, दहा दिवसांत तोडगा अन्यथा…