हॅलो जनता न्यूज, वृत्तसंस्था – मागील काही दिवसांपासून पावसाचा जोर कमी झाल्यानंतर आता पुन्हा एकदा पावसाने हजेरी लावण्याची शक्यता वाढली आहे. भारतीय हवामान विभागाकडून राज्यातील अनेक भागांसाठी मुसळधार पावसाचा इशारा देण्यात आला आहे.

हवामान विभाग : बुधवारी मुसळधार पाऊस

बुधवार, 13 ऑगस्ट रोजी मुंबईसह परिसरात तसेच राज्यातील काही भागात मेघगर्जनेसह मुसळधार पाऊस होणार असल्याचा अंदाज हवामान विभागाने वर्तवला आहे. बंगालच्या वायव्य उपसागरात कमी दाबाचा पट्टा निर्माण होण्याच्या पार्श्वभूमीवर 12 ऑगस्ट ते 14 ऑगस्टदरम्यान विदर्भ व कोकणात काही ठिकाणी पावसाचा जोर वाढेल.

हवामान विभाग इशारा : कोकण, विदर्भात सतर्कता

14 ऑगस्टला रत्नागिरी व सिंधुदुर्ग जिल्ह्यात तुरळक ठिकाणी मुसळधार पाऊस पडण्याची शक्यता आहे, तर मध्य महाराष्ट्रातील काही भागातही पावसाचा जोर वाढू शकतो. विदर्भातील गडचिरोली व यवतमाळ जिल्ह्यांसाठी 13 आणि 14 ऑगस्टला ऑरेंज अलर्ट जारी करण्यात आला आहे.

हवामान : मुंबईसाठीही पावसाचा इशारा, सतर्कतेचा इशारा

13 ऑगस्ट रोजी मुंबईत मुसळधार पावसाचा इशारा देण्यात आला असून नागरिकांनी आवश्यक ती काळजी घेण्याचे आवाहन करण्यात आले आहे. हवामान विभागाने पावसाच्या या अंदाजाच्या पार्श्वभूमीवर नागरिकांनी सतर्क राहून अनावश्यक प्रवास टाळण्याचे आणि स्थानिक प्रशासनाच्या सूचनांचे पालन करण्याचे आवाहन केले आहे.

इतर महत्वाच्या बातम्या…

💥ब्रेकिंग : जामनेरमध्ये मारहाणीत तरुणाचा मृत्यू, मारहाणीच्या घटनेने शहरात तणाव

💥ब्रेकिंग : जळगावात उच्चभ्रू वस्तीत देहविक्री रॅकेटचा पर्दाफाश, पोलिसांनी अशी केली कारवाई…

💥ब्रेकिंग : स्टार्टअप उद्योजकांसाठी सुवर्णसंधी! KCIIL मार्फत स्टार्टअप इन्क्युबेशनसाठी मोठी संधी…