हॅलो जनता न्यूज, जळगाव – रब्बी पणन हंगाम २०२४-२५ अंतर्गत किमान आधारभूत किंमत (MSP) योजनेअंतर्गत शेतकऱ्यांकडून धान व भरडधान्य (ज्वारी, मका, बाजरी) खरेदीसाठी राज्य शासनाने मोठा निर्णय घेतला आहे.
पूर्वी निश्चित करण्यात आलेली ३० जून २०२५ ही अंतिम मुदत आता २० जुलै २०२५ पर्यंत वाढवण्यात आली आहे. ही मुदतवाढ BeAM पोर्टलवरील तांत्रिक अडचणींमुळे खरेदी प्रक्रिया रखडल्याने करण्यात आली असून, यामुळे अनेक शेतकऱ्यांना दिलासा मिळणार आहे. राज्य पणन महासंघाचे उपाध्यक्ष रोहित निकम यांनी शेतकऱ्यांच्या हितासाठी सातत्याने केंद्र आणि राज्यसरकार मधील नेत्यांच्या भेटी घेत पाठपुरावा केला होता आणि त्यामाध्यमातून ही मुदत वाढ झाली आहे.
राज्य शासनाच्या दिनांक ७ जुलै २०२५ रोजीच्या शासन निर्णयानुसार (पत्र क्र. 1125/प्र.क्र.19/नापु29) ही मुदतवाढ अधिकृतपणे जाहीर करण्यात आली आहे. या निर्णयाचे राज्याचे मंत्री मा. गिरीश महाजन, केंद्रीय राज्य मंत्री खासदार रक्षाताई खडसे, मंत्री गुलाबराव पाटील, मंत्री संजय सावकारे, तसेच पणन महासंघाचे उपाध्यक्ष रोहितदादा दिलीपराव निकम आणि संचालक संजय पवार यांनी स्वागत केले आहे.
धान खरेदी साठी मुदत वाढ मिळावी, रोहित निकम यांनी घेतली होती केंद्रीय मंत्र्यांची भेट
“या मुदतवाढीच्या मागणीसंदर्भात राज्य व केंद्र शासनाकडे सातत्याने पाठपुरावा करण्यात आला होता. शेतकऱ्यांच्या हितासाठी ही मुदतवाढ अत्यंत महत्त्वाची ठरणार आहे. जळगाव जिल्ह्यासह संपूर्ण महाराष्ट्रातील नोंदणीकृत शेतकरी बांधवांनी या वाढीव मुदतीचा लाभ घ्यावा. खरेदी केंद्रावर आपली धान व भरडधान्य विक्री प्रक्रिया पूर्ण करून आधारभूत किंमतीचा लाभ मिळवावा.” असे आवाहन त्यांनी पणन महासंघाच्या वतीने पणन महासंघाचे उपाध्यक्ष रोहित दिलीपराव निकम केले आहे.
जळगाव जिल्ह्यातील कार्यरत खरेदी केंद्रे
खरीप पणन हंगाम २५-२६ मधील भरडधान्य खरेदीसाठी जिल्ह्यातील १८ केंद्रे खालीलप्रमाणे:
🔹 अमळनेर
🔹 पारोळा
🔹 चोपडा
🔹 एरंडोल
🔹 धरणगाव
🔹 पाळधी
🔹 म्हसावद
🔹 जळगाव
🔹 भुसावळ
🔹 यावल
🔹 रावेर
🔹 मुक्ताईनगर
🔹 बोदवड
🔹 जामनेर
🔹 शेंदुर्णी
🔹 पाचोरा
🔹 भडगाव
🔹 चाळीसगाव
नोंदणीसाठी आवश्यक कागदपत्रे
1. आधार कार्ड
2. बँक पासबुक
3. ऑनलाईन पीकपेरा नोंद असलेला ७/१२ उतारा व ८अ उतारा
4. खरेदी केंद्रावर ‘LIVE PHOTO’ देऊन नोंदणी प्रक्रिया पूर्ण करणे अनिवार्य
इतर महत्वाच्या बातम्या….
शिंदेच्या आमदाराची पुन्हा जीभ घसरली, संभाजीराजे आणि शिवरायांबाबत केलेल्या वक्तव्यावर संताप
आषाढी एकादशीनिमित्त श्री मंगळग्रह मंदिरात भाविकांची मांदियाळी
विद्यार्थ्यांनो! १२ वी कॉमर्स नंतर काय? हा कोर्स करा आणि हमखास नोकरी मिळवा…
