🛑 ब्रेकिंग : पाचोरा भडगाव मतदार संघातील आणखी एक विरोधक भाजपच्या गळाला, आज मुंबई येथे प्रवेश सोहळा….

हॅलो जनता न्यूज, भडगाव प्रतिनिधी – भडगाव तालुक्यातील शिंदे सेनेला मोठा धक्का बसला असून शिक्षण महर्षी म्हणून ओळखले जाणारे प्रताप हरी पाटील हे लवकरच भारतीय जनता पक्षात प्रवेश करणार असल्याची माहिती समोर आली आहे. काही वेळातच मुंबई येथील भाजपा प्रदेश कार्यालयात हा प्रवेश सोहळा पार पडणार असून, या वेळी भाजप प्रदेशाध्यक्ष रवींद्र चव्हाण, जलसंपदा मंत्री गिरीश महाजन यांच्यासह इतर मान्यवरांची उपस्थिती राहणार आहे.

पाचोरा राजकारण : काही महिन्यांपूर्वीच केला होता शिंदे सेनेत प्रवेश…

गेल्या काही महिन्यांपूर्वीच प्रताप हरी पाटील यांनी आमदार किशोर पाटील यांच्या उपस्थितीत शिंदे सेनेत प्रवेश केला होता. परंतु, आगामी स्थानिक स्वराज्य संस्थांच्या निवडणुकांच्या पार्श्वभूमीवर त्यांनी पुन्हा एकदा राजकीय निर्णय घेत भाजपचा झेंडा हाती घेण्याचे ठरवले आहे. त्यामुळे शिंदे सेनेच्या स्थानिक संघटनांना मोठा धक्का बसल्याचे राजकीय वर्तुळात बोलले जात आहे.

पाचोरा राजकारण : स्थानिक स्वराज्य संस्थांच्या निवडणुकांच्या पार्श्वभूमीवर प्रवेश

प्रताप हरी पाटील यांचा राजकीय प्रवासही विशेष उल्लेखनीय राहिला आहे. नुकत्याच झालेल्या विधानसभेच्या निवडणुकीत त्यांनी जन स्वराज्य पक्षाकडून उमेदवारी दाखल केली होती. मात्र त्यात त्यांना पराभवाचा सामना करावा लागला होता. त्यानंतर त्यांनी शिंदे गटात प्रवेश केला. आता पुन्हा एकदा भाजपकडे झुकाव दाखवत पक्षप्रवेशाचा निर्णय घेतल्यामुळे तालुक्यातील राजकीय समीकरणांमध्ये मोठा बदल होणार असल्याची चिन्हे आहेत.

भडगाव तालुक्यात शिक्षण क्षेत्रात त्यांनी दिलेले योगदान उल्लेखनीय असून, ‘शिक्षण महर्षी’ म्हणून त्यांची ख्याती आहे. त्यांच्या प्रवेशामुळे भाजपला स्थानिक पातळीवर मोठा फायदा होईल, अशी शक्यता व्यक्त केली जात आहे. आता प्रत्यक्ष प्रवेशानंतर भाजपचे स्थानिक समीकरण कसे बदलते याकडे सर्वांचे लक्ष लागले आहे.

इतर महत्वाच्या बातम्या…

🌿 वृक्ष लागवड करून प्रकृतीचे रक्षण ही सर्वांची जबाबदारी – महामंडलेश्वर जनार्दनहरिजी महाराज

🛑 आमदार अमोल जावळेंची खेळी यशस्वी, शरद पवारांच्या राष्ट्रवादीला मोठा धक्का.

🛑 युट्यूब चॅनलला व्ह्यूज मिळत नाही, या Step फॉलो करालाखो व्ह्यूज…