🛑 ब्रेकिंग : जळगाव हादरले, जुन्या वादातून तरुणावर चाकूने हल्ला, तरुण गंभीर जखमी…

हॅलो जनता न्यूज, जळगाव – शहरातील रामेश्वर कॉलनी परिसरात रविवारी सायंकाळी जुन्या वादातून एका १८ वर्षीय तरुणावर कोयता, चाकू व रॉडने तुफानी हल्ला करण्यात आला. या घटनेत तरुण गंभीर जखमी झाला असून त्याची प्रकृती चिंताजनक असल्याचे समजते. या घटनेमुळे परिसरात मोठी खळबळ उडाली आहे.

जळगाव हादरले : हल्ल्यात गंभीर जखमी

जखमी तरुणाचे नाव हर्षल कुणाल पाटील (वय १८, रा. एकनाथ नगर, रामेश्वर कॉलनी, जळगाव) असे असून, तो रविवारी (दि. १४ सप्टेंबर) सायंकाळी पाच वाजेच्या सुमारास आपल्या मित्रांसोबत रामेश्वर कॉलनी येथील राज शाळेजवळ बसला होता. त्याचवेळी काही तरुणांनी जुन्या वादातून अचानक हल्ला चढवला. लोखंडी कोयता, चाकू व रॉडने सलग वार करत त्याला गंभीर जखमी केले.

जळगाव हादरले : तातडीने रुग्णालयात दाखल

हल्ला झाल्यानंतर स्थानिक नागरिकांनी जखमी हर्षलला खाजगी वाहनातून तातडीने जळगाव जिल्हा शासकीय वैद्यकीय महाविद्यालयात उपचारासाठी दाखल केले. डॉक्टरांनी त्याची प्रकृती गंभीर असल्याचे सांगितले असून, पुढील २४ तास अत्यंत महत्त्वाचे असल्याचे कळते.

घटनेची माहिती मिळताच एमआयडीसी पोलीस ठाण्याचे अधिकारी व कर्मचारी घटनास्थळी दाखल झाले. मात्र अद्याप औपचारिक तक्रार दाखल झालेली नाही. तरीदेखील पोलिसांनी घटनेचा प्राथमिक तपास सुरू केला आहे. हल्लेखोर आरोपींचा शोध घेण्यासाठी पोलीस पथके रवाना करण्यात आली असून, परिसरातील सीसीटीव्ही फूटेजचीही पाहणी केली जात आहे.

दिवसा-दिवसा अशा प्रकारे कोयता व चाकूसारख्या घातक शस्त्रांनी हल्ला झाल्याने परिसरातील नागरिकांमध्ये मोठी भीतीचे वातावरण निर्माण झाले आहे. स्थानिकांनी पोलिसांकडून तातडीने आरोपींना अटक करून कठोर कारवाई करण्याची मागणी केली आहे. या प्रकरणी पोलिसांचा तपास सुरू असून, पुढील घडामोडी लवकरच समोर येतील.

इतर महत्वाच्या बातम्या…

🛑 ब्रेकिंग : आदिवासी मुलींची तक्रार, डॉ. चंद्रकांत बारेला यांनी दिली वसतिगृहात धडक अन्…

🛑 ब्रेकिंग : हॉटेल मध्ये अचानक स्फोट अन् चहा पिणारे गंभीर जखमी, नेमके काय घडले….

🛑 त्रास देणाऱ्यांना पक्षात घ्या, मंत्री गिरीश महाजनांचा कार्यकर्त्यांना अजब सल्ला…