🛑 पावसाचा हाहाकार : शिंदाड राजुरीसह अनेक गावांना फटका, रात्रीत शेकडो गुरे वाहून गेल्याची भीती…

हॅलो जनता न्यूज, जळगाव – मध्यरात्री डोंगर माथ्यावर झालेल्या मुसळधार पावसामुळे पाचोरा तालुक्यातील सातगाव परिसरासह शिंदाड व राजुरी गावांना मोठा फटका बसला आहे. रात्री अचानक आलेल्या पावसाच्या तडाख्यामुळे नदी-नाले तुफानी वाहू लागले आणि गावांत पाणी शिरल्याने जनजीवन विस्कळीत झाले आहे.

सातगाव, शिंदाड, राजुरीसह परिसरातील अनेक शेतकऱ्यांच्या शेतीमध्ये उभे असलेले कापूस, उडीद, सोयाबीन या पिकांचे मोठे नुकसान झाले असून काही ठिकाणी शेतकऱ्यांची शेकडो गुरेढोरे देखील पाण्यात वाहून गेल्याची प्राथमिक माहिती समोर आली आहे. यामुळे शेतकऱ्यांवर प्रचंड आर्थिक संकट कोसळले आहे.

डोंगर माथ्यावर अचानक मुसळधार पाऊस, शिंदाड राजुरी गावाला मोठा फटका

मध्यरात्री बाराच्या सुमारास मुसळधार पाऊस कोसळल्याने अचानक पाणी पातळी वाढल्याने गावामध्ये भीतीचे वातावरण निर्माण झाले आहे. अनेक घरात पाणी शिरल्याने वस्तूंचे नुकसान झाले आहे. शाळा, अंगणवाडी इमारती, परिसरातही पाणी साचून गोंधळ उडाला.

पूरस्थितीची माहिती मिळताच महसूल व पाटबंधारे विभागाचे अधिकारी तसेच ग्रामपंचायतीचे सदस्य घटनास्थळी दाखल झाले असून परिस्थितीचा आढावा घेत आहेत. काही कुटुंबांना सुरक्षित स्थळी हलविण्यात येणार असल्याचे देखील समोर आले आहे. शिंदाड व राजुरी गावातील नदीकाठावरील शेतांमध्ये सर्वाधिक हानी झाली असून शेतकऱ्यांचे लाखो रुपयांचे नुकसान झाल्याचा अंदाज आहे.

इतर महत्वाच्या बातम्या…

🛑 सातगाव डोंगरी परिसरात इतके नुकसान, महसूल प्रशासनाचे युद्ध पातळीवर पंचनामे सुरू…

🛑 आमदार किशोर पाटलांचा मंत्री गिरीश महाजनांना फोन, तत्काळ पंचनामे करून नुकसान भरपाईचे आदेश…

🛑 पाचोरा तालुक्यात ढगफुटी सदृश्य पाऊस; संपूर्ण गावच वाहिले, शेकडो कुटुंबे उघड्यावर…