🛑 एस टी महामंडळात मोठे भ्रष्टाचार, भ्रष्टाचार निवारण समितीची महत्त्वपूर्ण बैठक

हॅलो जनता न्यूज, जळगाव : जळगाव विभागात सध्या विविध घोटाळ्यांचे प्रकरणे उघडकीस येत असल्याने मोठी खळबळ उडाली आहे. या पार्श्वभूमीवर भ्रष्टाचार निवारण समितीची महत्त्वपूर्ण बैठक पद्मालय विश्रांती गृहात पार पडली. या बैठकीच्या अध्यक्षस्थानी श्री. सुरेश चांगरे हे होते.

काही दिवसांपूर्वी विभागीय कार्यशाळेचे कर्मचारी गोपाळ पाटील यांनी मुख्यमंत्री देवेंद्र फडणवीस यांच्याकडे तक्रार दाखल केली होती. त्यानंतर जलद गतीने कारवाई सुरू झाली. लिपिक-टंकलेखक घोटाळा उघडकीस आल्यानंतर विभाग नियंत्रक भगवान जगनोर यांना कार्यमुक्त करण्यात आले असून त्यांचा पगार देखील थांबवण्यात आला आहे. याच प्रकरणात नरेंद्र चित्ते या अधिकाऱ्याला आरोपपत्र देण्यात आले, तर एका लिपिकाची बदली जामनेर येथे करण्यात आली आहे.

दरम्यान, विभागीय वाहतूक अधीक्षक किशोर महाजन यांच्या विरोधात देखील गंभीर तक्रारी आल्याने त्यांची बदली परभणी विभागात कनिष्ठ आगार व्यवस्थापक म्हणून करण्यात आली आहे. मात्र, अद्यापपर्यंत कोणत्याही अधिकाऱ्यावर पोलिसांत गुन्हा दाखल न झाल्यामुळे भ्रष्टाचार निवारण समितीने आक्रमक भूमिका घेण्याचा निर्णय घेतला आहे.

समितीचे अध्यक्ष सुरेश चांगरे यांनी स्पष्ट केले की, हे अधिकारी अद्याप जळगाव शहरातच वास्तव्य करत असल्याने सर्वसामान्य कर्मचारी तक्रार करण्यास पुढे येत नाहीत. त्यामुळे येत्या आठ दिवसांत एसटी महामंडळाकडून ठोस कार्यवाही न झाल्यास आंदोलन करण्यात येईल, असा इशारा बैठकीत सार्वमताने देण्यात आला.

या बैठकीत कार्यक्रमाच्या यशस्वीतेसाठी सर्वश्री सुरेश चांगरे, गोपाळ पाटील, अरुण साळुंखे, सुनील बडगुजर, सुनील पाटील, दिलीप सूर्यवंशी, अमृत पाटील, संजय सूर्यवंशी आदी सदस्यांनी सक्रिय सहभाग नोंदवला.

इतर महत्वाच्या बातम्या…

🛑 ब्रेकिंग : जळगाव हादरले, जुन्या वादातून तरुणावर चाकूने हल्ला, तरुण गंभीर जखमी…

🛑 ब्रेकिंग : आदिवासी मुलींची तक्रार, डॉ. चंद्रकांत बारेला यांनी दिली वसतिगृहात धडक अन्…

🛑 ब्रेकिंग : हॉटेल मध्ये अचानक स्फोट अन् चहा पिणारे गंभीर जखमी, नेमके काय घडले….