🚨 ब्रेकिंग : प्रांजल खेवलकर प्रकरणात खडसेंचे पोलिसांवर गंभीर आरोप, म्हणाले…

हॅलो जनता न्यूज, जळगाव (प्रतिनिधी): – प्रांजल खेवलकर प्रकरणाला नवे वळण मिळाले असून माजी मंत्री एकनाथ खडसे यांनी पोलिसांवर थेट गंभीर आरोप केले आहेत. खेवलकर यांना न्यायालयाकडून जामीन मिळाल्यानंतर ते बाहेर आले आहेत. यानंतर खडसेंनी माध्यमांशी संवाद साधत पोलिसांच्या चौकशी व कारवाईबाबत गंभीर शंका उपस्थित केल्या.

खडसेंनी म्हटले की, “या प्रकरणात दाखल करण्यात आलेल्या चार्जशीटमध्ये स्पष्टपणे नमूद आहे की प्रांजल खेवलकर यांनी कुठल्याही प्रकारचा ड्रग्जचे सेवन केलेले नाही तसेच ते बाळगलेलेही नाहीत. याचा अर्थ असा की सुरुवातीपासूनच पोलिसांनी जी ‘ड्रग पार्टी’ची थियरी मांडली होती ती पूर्णपणे चुकीची होती.”

ते पुढे म्हणाले की, सुरुवातीला पोलिसांनी याला रेव्ह पार्टीचा रंग दिला. “पाच-सात जणांत रेव्ह पार्टी कशी होऊ शकते? नंतर त्यांनीच आपलं म्हणणं बदलून ही रेव्ह पार्टी नाही असं सांगितलं. इतकंच नव्हे तर खेवलकरांना ‘पहिला आरोपी’ ठरवण्यात आलं कारण त्यांच्यावर यापूर्वी अनेक गुन्हे दाखल असल्याचं सांगितलं गेलं. मात्र नंतर पोलिसांनीच ती ‘प्रिंटिंग मिस्टेक’ असल्याचं म्हटलं,” असा टोला खडसेंनी लगावला.

प्रांजल खेवलकर प्रकरणात न्यायालय यावर जो निर्णय देईल तो देईल – खडसे..

खडसेंच्या म्हणण्यानुसार, पोलिसांनी कधी ड्रग सेवन केल्याचा संशय व्यक्त केला, तर कधी ड्रग्ज बाळगल्याचा संशय नोंदवला. मात्र आता सादर झालेल्या चार्जशीटमधून ते सर्व संशय खोटे ठरल्याचं स्पष्ट झालं आहे. “न्यायालय यावर जो निर्णय देईल तो देईल. पण प्राथमिक चौकशीत तरी या प्रकरणात काही तथ्य आढळत नाही. उलट पोलिसांनीच स्वतःच्या तपास अहवालातून आपली भूमिका कमकुवत केल्याचं दिसतं. त्यामुळे हा सर्व प्रकार दिशाभूल करणारा होता,” अशी टीका खडसेंनी केली.

या प्रकरणामुळे जळगाव जिल्ह्यात पुन्हा एकदा राजकीय चर्चेला उधाण आले असून पोलिसांच्या भूमिकेवर अनेक प्रश्नचिन्हे उभी राहिली आहेत.

इतर महत्वाच्या बातम्या…

🚨 ब्रेकिंग : पुष्पक एक्सप्रेसच्या बोगीला जळगाव रेल्वे स्थानकाजवळ लागली आग

🚨 ब्रेकिंग : चाळीसगाव अपघात, इको-आयशरची समोरासमोर जोरदार धडक, आठ भाविक जण जखमी

🚨 Big Breaking : भीषण अपघात : डंपरची कार ला धडक, आई व मुलाचा जागीच मृत्यू तर वडील व लहान मुलगा गंभीर जखमी