🚨 ब्रेकिंग : धरणगाव येथील पर्यटकांचा उत्तर प्रदेशात अपघात, एका प्रवाशाचा मृत्यू…

हॅलो जनता न्यूज, जळगाव – अयोध्येला फिरण्यासाठी निघालेल्या धरणगाव तालुक्यातील कल्याने खुर्द येथील यात्रेकरूंवर आज सकाळी भीषण संकट कोसळले. काशीहून अयोध्याकडे खाजगी वाहनाने जात असताना सुलतानपूरजवळ झालेल्या अपघातात एका महिलेला जागीच प्राण गमवावे लागले, तर अनेक प्रवासी गंभीर जखमी झाल्याची माहिती पुढे आली आहे.

धरणगावातून अयोध्येकडे निघाला होता ग्रुप

कल्याने खुर्द येथील तब्बल 30 महिला आणि 5 पुरुष अशा 35 जणांच्या ग्रुपने जळगावहून रेल्वेने काशी येथे प्रवास केला. तेथून अयोध्याकडे पुढील दर्शनासाठी खाजगी वाहनाने जात असताना अचानक सुलतानपूर परिसरात वाहनाचा नियंत्रण सुटून अपघात झाला.

धरणगाव येथील एका महिलेचा जागीच मृत्यू – अनेक जखमी

या भीषण अपघातात एका महिलेला जागीच प्राण गमवावे लागले असून इतर अनेक प्रवासी गंभीर जखमी झाले आहेत. जखमींना सुलतानपूर येथील रुग्णालयात दाखल करण्याची प्रक्रिया सुरू आहे. काही प्रवाशांची प्रकृती चिंताजनक असल्याचे प्राथमिक माहितीतून समोर येत आहे.

अपघाताची माहिती मिळताच जळगाव आणि धरणगाव प्रशासनाने तातडीने हालचाली सुरू केल्या आहेत. फिरायला गेलेल्या सर्व नागरिकांशी संपर्क साधण्याचे प्रयत्न सुरू असून त्यांच्या सुरक्षिततेसंदर्भात स्थानिक प्रशासनासोबत संवाद सुरू आहे. या घटनेमुळे कल्याने खुर्द गावात हळहळ व्यक्त होत असून पुढील घडामोडींवर सर्वांचे लक्ष लागले आहे.

इतर महत्वाच्या बातम्या…

ब्रेकिंग : महापालिका निवडणुकीचा बिगुल डिसेंबरच्या तिसऱ्या आठवड्यात

ब्रेकिंग : भाजपाच्या लोकनियुक्त नगराध्यक्ष पदाच्या उमेदवार साधना चौधरी यांनी बजावला मतदानाचा हक्क…

चोपडा ब्रेकिंग : प्रभाग क्र ९ मध्ये जनतेच ठरलं राज्यात देवंद्र चोपड्यात नरेंद्र