🚨 पाचोरा ब्रेकिंग : कार्यकर्त्यांच्या निवडणुकीत बंडखोरी खपवून घेतली जाणार नाही — आमदार किशोर पाटील

हॅलो जनता न्यूज, पाचोरा (गजानन गिरी) : आगामी स्थानिक स्वराज्य संस्थांच्या निवडणुकांच्या पार्श्वभूमीवर आज पाचोरा शहरातील शिवसेना (शिंदे गट) कार्यालयात आमदार किशोर पाटील यांच्या नेतृत्वाखाली महत्त्वाची बैठक पार पडली. या बैठकीत तालुक्यातील सर्व प्रमुख पदाधिकारी, शाखा प्रमुख, नगरसेवक तसेच कार्यकर्ते मोठ्या संख्येने उपस्थित होते.

या बैठकीत मार्गदर्शन करताना आमदार किशोर पाटील म्हणाले की, “स्थानिक स्वराज्य संस्थांच्या निवडणुका या पक्षाच्या प्रतिष्ठेच्या दृष्टीने अत्यंत महत्त्वाच्या आहेत. त्यामुळे प्रत्येक पदाधिकारी आणि कार्यकर्त्याने मनातील मतभेद विसरून एकदिलाने काम करावे. विधानसभेत विरोधी पक्षात असताना अनेकांनी माझ्यावर टीका केली, तरीही मी त्यांना पक्षात सामावून घेतले. मात्र कार्यकर्त्यांच्या निवडणुकीच्या वेळी कुणीही बंडखोरी केली, तर ती कोणत्याही परिस्थितीत खपवून घेतली जाणार नाही.” असा स्पष्ट इशारा त्यांनी दिला.

पुढे बोलताना त्यांनी सांगितले की, पक्षाची ताकद ही संघटनेत आहे. एकजुटीने काम केल्यास येणाऱ्या सर्व निवडणुका आपण मोठ्या फरकाने जिंकू शकतो. पक्षाच्या सर्व पदाधिकाऱ्यांनी लोकसंपर्क वाढवून मतदारांपर्यंत सरकारच्या योजनांची माहिती पोहचवावी, असेही त्यांनी सांगितले.

पाचोरा : आमदार किशोर पाटील यांच्या वाढदिवसानिमित्त “भव्य निर्धार मेळाव्याचे” आयोजन

बैठकीदरम्यान जिल्हा प्रमुख रावसाहेब पाटील यांनी १ नोव्हेंबर रोजी आमदार किशोर पाटील यांच्या वाढदिवसानिमित्त पाचोरा शहरातील लोढाया जीन येथे आयोजित “भव्य निर्धार मेळाव्याचे” आयोजन जाहीर केले. या मेळाव्याला सर्व कार्यकर्त्यांनी मोठ्या संख्येने उपस्थित राहून पक्षशक्तीचे प्रदर्शन करावे, असे आवाहन त्यांनी केले.

या बैठकीस जिल्हाप्रमुख रावसाहेब पाटील, माजी जिल्हा परिषद सदस्य पदम बापू पाटील, गणेश पाटील, सुनील पाटील, प्रवीण ब्राह्मणे, विकास पाटील, भैय्यासाहेब पाटील, विनोद तावडे, राजेंद्र पाटील, सुधाकर पाटील, किशोर बारवकर, सुनील आबा पाटील, अरुण पाटील आदी मान्यवर उपस्थित होते.बैठकीदरम्यान रावसाहेब पाटील, प्रवीण ब्राह्मणे, विकास पाटील आणि अरुण पाटील यांनीही आपले मनोगत व्यक्त केले. त्यांनी कार्यकर्त्यांना निवडणुकांसाठी सज्ज राहण्याचे, संघटन मजबूत करण्याचे आणि पक्षवाढीसाठी एकदिलाने प्रयत्न करण्याचे आवाहन केले.

इतर महत्वाच्या बातम्या…

💥 पाचोरा ब्रेकिंग : एका महिलेवर जबरदस्तीने अत्याचार, दोन तरुणांविरोधात गुन्हा दाखल..

विद्यार्थी स्नेहसंमेलन : २१ वर्षांनंतर पुन्हा एकत्र आले विद्यार्थी — शालेय आठवणींना दिला उजाळा

🚨 ब्रेकिंग: नदीत वाहून गेलेल्या भावाचा मृतदेह तब्बल २० दिवसांनी सापडला, तिरडीवरच शेवटची भाऊबीज