🚨चोपडा ब्रेकिंग : म्हणून काँग्रेस सोबत युती केली, आमदार चंद्रकांत सोनवणे याचा खुलासा…

हॅलो जनता न्यूज, चोपडा – शहरात शिवसेना शिंदे गट आणि काँग्रेस यांच्यात झालेल्या स्थानिक युतीबाबत आमदार चंद्रकांत सोनवणे यांनी खुलासे केले आहेत. एका खाजगी वृत्तवाहिनीशी बोलताना त्यांनी या निर्णयामागील कारणे स्पष्ट केली.

सोनवणे म्हणाले की, “चोपडा शहरात काँग्रेसला मानणारा एक ठराविक वर्ग आहे आणि त्याचा फायदा आमच्या पक्षाला होऊ शकतो. म्हणूनच आम्ही स्थानिक स्तरावर काँग्रेससोबत हातमिळवणी केली आहे.” त्यांनी सांगितले की जसा महायुतीतील इतर मित्रपक्ष आपला राजकीय फायदा पाहतात, तसाच मीही माझ्या पक्षाचा लाभ कसा होईल हे पाहणे गरजेचे आहे.

चोपडा : ही युती फक्त मतांच्या राजकारणासाठी नाही?

युतीबाबत बोलताना सोनवणे यांनी मात्र स्पष्ट केले की ही हातमिळवणी फक्त मतांच्या समीकरणासाठी नाही. “युती करण्यापूर्वी आमच्यात काही मूलभूत तत्वे आणि विचार ठरवलेले आहेत. सर्वसामान्य माणसांच्या गरजा पूर्ण व्हाव्यात, विकासाचे काम वेगाने व्हावे, हा आमचा मुख्य अजेंडा आहे,” असे ते म्हणाले.

स्थानिक स्तरावर या राजकीय निर्णयाबाबत वेगवेगळ्या प्रतिक्रिया उमटत असल्या तरी दोन्ही पक्षांनी चोपडा शहराच्या विकासाला प्राधान्य देत एकत्र येण्याचा निर्णय घेतल्याचेही ते म्हणाले. या युतीमुळे आगामी नगरपरिषद निवडणुकीत नवीन राजकीय समीकरणे तयार होण्याची शक्यता व्यक्त करण्यात येत आहे. सोनवणे यांच्या या निवेदनानंतर चोपड्यातील राजकीय वातावरणाला वेग आला असून ही युती आगामी निवडणुकीत कितपत परिणामकारक ठरेल याकडे सर्वांचे लक्ष लागले आहे.

इतर महत्वाच्या बातम्या…

ब्रेकिंग : चोपडा शहरात भाजपाचा प्रचाराचा झंझावात, प्रभाग क्र. १३ मध्ये नागरिकांचा उस्फुर्त प्रतिसाद…

पाचोरा ब्रेकिंग : अटलगव्हाण गावातील विहिरीत काम करताना इलेक्ट्रिक मोटरीचा शॉक लागून मजुराचा मृत्यू

ब्रेकिंग : भल्या पहाटे पाचोरा शहरात पोलिसांचे धडाकेबाज कोम्बिंग ऑपरेशन