💥 ब्रेकिंग :जळगाव-पाचोरा रस्त्यावर ट्रॅव्हल्स आणि कारचा भीषण अपघात, प्रवासी जखमी तर…

हॅलो जनता न्यूज, पाचोरा – जळगाव-पाचोरा मार्गावर काल रात्री दहा वाजेच्या सुमारास घडलेल्या भीषण अपघाताने परिसरातील नागरिकांना काही काळासाठी धक्का बसला. पावसामुळे रस्त्यावर साचलेल्या पाण्यातील खोल खड्ड्यांचा अंदाज न आल्याने एका कारचा तोल जाऊन ती थेट समोरून येणाऱ्या खाजगी ट्रॅव्हल्सवर आदळली. ही घटना पी.जे. रेल्वे गेट जवळ घडली असून, सुदैवाने या अपघातात कोणतीही जीवितहानी झाली नाही.

अपघातानंतर दोन्ही वाहनांचे मोठ्या प्रमाणावर नुकसान झाले. विशेषतः कारचा पुढचा भाग पूर्णतः चकनाचूर झाला आहे, तर ट्रॅव्हल्सच्या पुढील भागातील तयार फुटल्याने काही वेळ रस्ता वाहतुकीस अडथळा निर्माण झाला. अपघाताची माहिती मिळताच स्थानिक नागरिकांनी तत्काळ घटनास्थळी धाव घेत बचावकार्य सुरू केले.

प्रवासी आणि कारमधील सर्वजण किरकोळ जखमी अवस्थेत सुखरूप बाहेर आले. स्थानिक पोलिसांनी घटनास्थळी पोहचून वाहतूक सुरळीत करण्याची व्यवस्था केली असून अपघातग्रस्त वाहने रस्त्याच्या कडेला हलवण्यात आली आहेत.

पाचोरा : रस्त्यावरील खड्ड्यांचा तत्काळ बंदोबस्त करण्याची मागणी

या घटनेनंतर परिसरातील नागरिकांनी जळगाव-पाचोरा मार्गावरील खड्ड्यांबाबत तीव्र नाराजी व्यक्त केली आहे. पावसामुळे रस्त्यावरील मोठे खड्डे पाण्याखाली दडल्याने दररोज अपघातांचा धोका वाढत असल्याचे नागरिकांचे म्हणणे आहे. त्यांनी संबंधित प्रशासनाने तातडीने खड्डे बुजवून रस्त्याचे दुरुस्तीचे काम हाती घ्यावे, अशी जोरदार मागणी केली आहे.

इतर महत्वाच्या बातम्या…

🚨 ब्रेकिंग : मुलींच्या स्वतंत्र शाळांच्या एकत्रिकरणाविरोधात तीव्र नाराजी; आमदार किशोर पाटील यांना शिक्षक पालकांचे निवेदन

🚨 ब्रेकिंग : भडगाव नगराध्यक्षपदासाठी भाजपाचा उमेदवार ठरला? यांच्या नावाची चर्चा….

🚨 पाचोरा ब्रेकिंग : कार्यकर्त्यांच्या निवडणुकीत बंडखोरी खपवून घेतली जाणार नाही — आमदार किशोर पाटील