💥 ब्रेकिंग : लाडकी बहीण योजनेसंदर्भात मोठी अपडेट, यांच्यावर होणार कारवाई

हॅलो जनता न्यूज, मुंबई : राज्यातील महिलांसाठी राबविण्यात आलेल्या लाडकी बहीण योजनेत मोठा गैरप्रकार उघड झाला आहे. या योजनेचा लाभ घेण्यासाठी अपात्र असूनही जिल्हा परिषदेतील तब्बल १,१८३ कर्मचाऱ्यांनी लाभ घेतल्याचे धक्कादायक वास्तव समोर आले आहे. याप्रकरणी संबंधितांवर कारवाई करण्याचे स्पष्ट निर्देश ग्रामविकास विभागाने दिले आहेत.

लाडकी बहीण योजना : मंत्री अदिती तटकरे यांची महत्वाची माहिती..

महिला व बालविकास मंत्री अदिती तटकरे यांनी बुधवारी पत्रकारांशी बोलताना याबाबतची माहिती दिली. त्यांनी सांगितले की, केवळ जिल्हा परिषद कर्मचारीच नव्हे तर या योजनेतून १२ हजारांहून अधिक पुरुषांच्या खात्यांवरही लाभ जमा झाल्याचे आढळले आहे. या सर्व प्रकरणांची सखोल चौकशी सुरू असून गैरप्रकार करणाऱ्यांना योजनेतून वगळण्याबरोबरच आर्थिक वसुली करण्याचाही विचार आहे.

लाडकी बहीण योजना : ५० लाख महिलांचे खाते…

दरम्यान, योजनेशी संबंधित आणखी एक मोठी तांत्रिक अडचणही समोर आली होती. लाडकी बहीण योजनेतील सुमारे ५० लाख महिलांची बँक खाती त्यांच्या आधार क्रमांकाशी लिंक झालेली नव्हती. या त्रुटीमुळे अनेकांना पुढील हप्त्यांच्या वितरणात अडचणी येण्याची शक्यता होती. तथापि, विभागाच्या पाठपुराव्यामुळे आता ही सर्व खाती आधारशी जोडण्यात आली आहेत.

अदिती तटकरे यांनी सांगितले की, “आधारशी लिंकिंग केल्यामुळे महिलांना फक्त लाडकी बहीण योजना नव्हे तर भविष्यातील इतर शासकीय योजनांचा लाभ मिळण्यात कोणतीही अडचण येणार नाही. गैरप्रकार करणाऱ्यांविरोधात कठोर कारवाई होणार असून, खरी लाभार्थी महिला योजनेपासून वंचित राहणार नाहीत.”

लाडकी बहीण योजना : ही होणार कारवाई…

राज्य शासनाने महिलांच्या सबलीकरणासाठी सुरू केलेल्या लाडकी बहीण योजनेत झालेल्या या गैरव्यवहारामुळे आता जिल्हा परिषदेच्या कर्मचाऱ्यांवर तसेच नियमबाह्य पद्धतीने लाभ घेतलेल्या पुरुषांवर शिस्तभंग व दंडात्मक कारवाईची प्रक्रिया गतीमान होण्याची शक्यता आहे.

इतर महत्वाच्या बातम्या..

💥 ब्रेकिंग : जळगावात कृषी विभाग ॲक्शन मोडवर : १९ कृषी परवान्यांचे निलंबन

💥 ब्रेकिंग : विद्यापीठात महिलांचे हक्क व सुरक्षा विषयावरील व्याख्यानाचे आयोजन

💥 ब्रेकिंग : ठाकरे गटाच्या नेत्या वैशाली सूर्यवंशी यांचा शेकडो कार्यकर्त्यांसह भाजपमध्ये भव्य प्रवेश