💥ब्रेकिंग : लंपी आजाराचा प्रादुर्भाव: मधुकर ठाकूर यांची सायकलवर जनजागृती…

हॅलो जनता न्यूज, जळगाव – जळगाव जिल्ह्यात गुरांवर लंपी स्किन रोगाचा (Lumpy Skin Disease) प्रादुर्भाव वाढत असल्याने सर्व पशुपालक बांधवांना सतर्क राहण्याचे आवाहन करण्यात आले आहे. जिल्ह्याच्या विविध भागांमध्ये या संसर्गजन्य आजाराचे रुग्ण आढळून आल्याने प्रतिबंधात्मक उपाय म्हणून जिल्हा प्रशासनाने काही कठोर परंतु आवश्यक निर्णय घेतले आहेत.

लंपी आजारापासून प्राण्यांचे संरक्षण व्हावे आणि त्यांचा संसर्ग अधिक प्राण्यांना होऊ नये यासाठी जळगाव जिल्ह्यातील कासोदा येथील रहिवासी मधुकर ठाकूर हे आपल्या सायकलवर जिल्ह्यातील गावोगावी फिरून माईक ने जनजागृती करत आहेत. प्रत्येक गावात जाऊन ते पशुपालकांना खालील आवाहन करत आहेत.

🔴 गुरांचे सुरक्षित अंतर राखा :- एकमेकांच्या खूप जवळ गुरे ठेवू नयेत. संसर्ग एका गुरापासून दुसऱ्या गुरामध्ये सहज पसरतो.

🔴 हौदातील पाणी सामायिक करू नका :- एका हौधातील पाणी सर्व गुरांना पाजू नये. प्रत्येक गुरासाठी वेगवेगळ्या पाण्याची व्यवस्था करावी.

🔴 चारणी दरम्यान काळजी घ्या :- गुरे चारण्यासाठी नेताना एकमेकांच्या संपर्कात येणार नाहीत याची दक्षता घ्यावी. सामूहिक चारणी टाळावी.

🔴 घाबरू नका, परंतु जागरूक राहा :- लंपी आजारावर लस उपलब्ध असून लसीकरण करणे हा एकमेव प्रभावी उपाय आहे. आपल्या गुरांचे तात्काळ लसीकरण करून घ्या.

🔴 सार्वजनिक बाजार बंद :- लंपी आजाराचा फैलाव रोखण्यासाठी कासोदा, धरणगाव व पारोळा येथील गुरांचे आठवडे बाजार पुढील आदेश येईपर्यंत बंद ठेवण्यात आले आहेत.

🔴 गुरांची वाहतूक बंद :- जिल्ह्याच्या एकूण स्थितीचा विचार करता, जिल्ह्यांतर्गत व तालुक्यांतर्गत गुरांची वाहतूक तात्पुरती बंद करण्यात आली आहे.

पशुसंवर्धन विभाग, तालुका प्रशासन व स्थानिक स्वराज्य संस्था या संदर्भात जनजागृती करत असून, श्री. मधुकर ठाकूर यांनीही पशुपालकांना आवाहन केले आहे की, “घाबरून न जाता योग्य काळजी घ्या, शासनाच्या सूचनांचे पालन करा आणि आपल्या गुरांचे संरक्षण करा.”

तसेच काही मदत लागल्यास आपल्या नजीकच्या पशुवैद्यकीय दवाखान्यात तात्काळ संपर्क साधावा आणि लसीकरणाची नोंदणी करून घ्यावी. लंपी आजार प्राणघातक नसला तरी योग्य वेळी उपचार न झाल्यास गुरांचे मोठे नुकसान होऊ शकते. त्यामुळे खबरदारी घेणे हाच उपाय आहे.

इतर महत्वाच्या बातम्या…

💥ब्रेकिंग : आमदारांचे बनावट लेटरहेड प्रकरणात धक्कादायक माहिती समोर, आरोपी भाजपचा पदाधिकारी…

💥ब्रेकिंग : धनंजय शिरीष चौधरी यांची प्रदेश काँग्रेसमध्ये भक्कम वाटचाल, २६ व्या वर्षी प्रदेश सरचिटणीसपदाची धुरा

💥ब्रेकिंग : चाळीसगावात खतांची चढ्या दराने विक्री, शेतकऱ्यांची होतेय आर्थिक लूट