💥 ब्रेकिंग : जळगावात शिंदेगटाचा भाजपला मोठा धक्का, फडणवीसांचा विश्वासू सहकारी शिंदे सेनेत प्रवेश करणार

हॅलो जनता न्यूज, जळगाव – भाजपचे अमळनेरचे माजी आमदार शिरीष चौधरी यांनी शिवसेनेत प्रवेश करण्याचा निर्णय घेतल्याची जोरदार चर्चा राजकीय वर्तुळात रंगली आहे. त्यांच्या या हालचालीमुळे जळगाव आणि नंदुरबार जिल्ह्यातील आगामी स्थानिक स्वराज्य संस्थांच्या निवडणुकांवर मोठा परिणाम होणार असल्याचे मानले जात आहे.

शेतकऱ्यांचे लाखो रुपयांचे अनुदान लाटले, पाचोरा भडगाव मतदारसंघात धक्कादायक प्रकार

शिरीष चौधरी हे मुख्यमंत्री देवेंद्र फडणवीस यांचे जवळचे सहकारी म्हणून ओळखले जात होते. मात्र त्यांनी अचानक शिवसेनेच्या दिशेने कल दाखवल्याने भाजपला मोठा धक्का बसला आहे. नुकतेच चौधरी यांनी राज्याचे पाणीपुरवठा व स्वच्छता मंत्री तसेच जळगाव जिल्ह्याचे पालकमंत्री गुलाबराव पाटील यांची भेट घेतली. या भेटीमुळे त्यांच्या प्रवेशाच्या चर्चांना अधिकृततेची किनार मिळाल्याचे राजकीय सूत्रांकडून सांगण्यात येत आहे.

शिरीष चौधरी यांची राजकीय कारकिर्द..

शिरीष चौधरी यांनी २०१९ च्या विधानसभा निवडणुकीत भाजपच्या तिकिटावरून अमळनेर मतदारसंघातून उमेदवारी दिली होती. मात्र त्या निवडणुकीत त्यांना पराभव पत्करावा लागला होता. यानंतर त्यांनी भाजपमधील काही घडामोडींवर नाराजी व्यक्त केली होती. गेल्या काही दिवसांपासून ते शिवसेनेच्या संपर्कात असल्याची चर्चा सुरू होती.

शिरीष चौधरी यांच्या प्रवेशामुळे उत्तर महाराष्ट्राच्या राजकारणावर परिणाम…

त्यांच्या प्रवेशामुळे जळगाव आणि नंदुरबार जिल्ह्याच्या राजकारणात मोठे समीकरण बदलण्याची शक्यता आहे. विशेषतः स्थानिक स्वराज्य संस्थांच्या निवडणुका तोंडावर असताना, चौधरी यांच्या या निर्णयामुळे शिवसेनेला मजबुती मिळणार असून भाजपच्या गोटात अस्वस्थता वाढली आहे. राजकीय तज्ज्ञांच्या मते, शिरीष चौधरी यांचा शिवसेनेत प्रवेश हा केवळ अमळनेरपुरता मर्यादित न राहता संपूर्ण उत्तर महाराष्ट्राच्या राजकीय समीकरणावर परिणाम करू शकतो.

इतर महत्वाच्या बातम्या…

💥 ब्रेकिंग : शेतकऱ्यांसाठी आनंदाची बातमी : सेंद्रिय शेतीसाठी कृषी विभागाची ‘स्लरी फिल्टर युनिट योजना’

💥 ब्रेकिंग : सिंहस्थ कुंभमेळ्याच्या कामांवर परप्रांतीयांचा डल्ला, छगन भुजबळांची नाराजी….

💥 ब्रेकिंग : पैसा किंवा खुर्चीसाठी मी पक्ष सोडला नाही, वैशाली सूर्यवंशी यांनी पत्रकार परिषदेत केला खुलासा…