💥 ब्रेकिंग : चांदीने गाठले सर्वात उच्चांकी दर, इतक्या हजारांनी वाढ…

हॅलो जनता न्यूज, जळगाव : मौल्यवान धातूंमध्ये पुन्हा एकदा मोठे चढ-उतार दिसून येत असून चांदीच्या भावाने तब्बल झेप घेतली आहे. शुक्रवारी चांदीत तब्बल १,२०० रुपयांची वाढ नोंदवली गेली. त्यामुळे चांदीचा दर एक लाख ४० हजार २०० रुपये प्रति किलो इतक्या उंचीवर पोहोचला आहे. दुसरीकडे, सोन्याच्या भावात मात्र सौम्य घसरण झाली असून ६०० रुपयांची घट नोंदली गेली आहे.

गेल्या काही दिवसांपासून चांदीच्या भावात सातत्याने वाढ होत असल्याचे चित्र दिसत आहे. २४ सप्टेंबर रोजी चांदीचा दर एक लाख ३६ हजार ८०० रुपये इतका होता. त्यानंतर २५ सप्टेंबर रोजी एकाच दिवसात तब्बल २,२०० रुपयांची झेप घेत चांदीचा भाव एक लाख ३९ हजार रुपयांवर पोहोचला होता. त्यानंतर आज पुन्हा भाववाढ होत चांदीने १.४० लाखांचा टप्पा पार केला आहे.

तज्ज्ञांच्या मते, आंतरराष्ट्रीय बाजारपेठेतून येणारे संकेत, डॉलरच्या किमतीतील चढ-उतार आणि गुंतवणूकदारांचा वाढता कल यामुळे चांदीच्या दरात सातत्याने वाढ होत आहे. दुसरीकडे, सोन्यात काही प्रमाणात विक्रीचा दबाव दिसून येत असल्याने भावात किरकोळ घट नोंदवली गेली. यामुळे गुंतवणूकदारांसमोर सोनं आणि चांदीमध्ये गुंतवणुकीसंबंधी नवे समीकरण उभे राहिले आहे. दिवाळी सण जवळ आल्याने दागिने खरेदीसह गुंतवणुकीच्या दृष्टिकोनातून या भावचढ-उतारांकडे नागरिकांचे लक्ष लागले आहे.

इतर महत्वाच्या बातम्या…

💥 ब्रेकिंग : “मुख्यमंत्री लाडकी बहीण” योजना, e-KYC सुविधा सुरू, इतके दिवस मुदत…

💥 जळगाव ब्रेकिंग : भाजप कार्यकर्त्याच्या घरावर ईडीचा छापा, १३ तासांपेक्षा अधिक काळ तपासणी..

🚍पाचोरा ते तुळजापूर थेट एस.टी. बससेवा सुरू, भाविकांची दीर्घकाळची मागणी पूर्ण