💥 ब्रेकिंग : आमदाराचे बनावट लेटरहेड, सही वापरून ३ कोटींचा निधी पळवला.. एआय आवाजाचा वापर…

desk1 week ago

0 33 1 minute read

हॅलो जनता न्यूज नेटवर्क मुंबई : भाजप आमदार प्रसाद लाड यांचे बनावट लेटरहेड व सही वापरून ३ कोटी २० लाखांचा निधी बीड जिल्ह्यात वर्ग करण्यात आल्याचा धक्कादायक प्रकार समोर आला आहे. मात्र हा प्रकार अधिकाऱ्यांच्या लक्षात आल्यानंतर सतर्कतेमुळे हा प्रकार उघडकीस आला. मात्र, आमदारांचा निधी योग्य ठिकाणी, योग्य कामासाठी त्या आमदारांच्या परवानगीने वर्ग केला जात आहे का? है तपासण्याची यंत्रणा शासनाने उभी करावी, अशी मागणी आ. लाड यांनी विधानपरिषदेत माहितीच्या मुद्द्यांवरून मांडत चव्हाट्यावर आणली आहे.

आमदारांचे बनावट पत्र तयार करून निधी वळविण्याचा अनेक घटना समोर

यापूर्वीही श्रीकांत भारतीय, उमा खापरे, निरंजन डावखरे तर सभापती होण्यापूर्वी प्रा. राम शिंदे यांनाही असाच अनुभव आल्याचे आ. लाड यांनी सांगितले जात आहे. विधानपरिषदेतील आमदारांचा निधी राज्याच्या कोणत्याही भागात वापरता येऊ शकतो. हीच संधी साधून ही अफरातफर करण्यात आली, असे लाइ यांनी सभागृहात सांगितले.

रत्नागिरीच्या नवीन डी ओ पी यांना या प्रकरणाची शंका आल्याने त्यांनी फोन करून बीड साठी काही निधी दिला आहे का? अशी विचारणा केली. मात्र, असा निधी दिला नसल्याने संबंधितांकडून त्यांची माहिती मागविली. त्यावेळी हा प्रकार उघडकीस आल्याचे आ. लाड यांनी सांगितले. सभापती शिंदे यांनी यावर हा गंभीर प्रकार असून, याप्रकरणी शासनाने धोरणात्मक निर्णय घेऊन तत्काळ कारवाई करावी, असे निर्देश दिले.

आमदारांचे बनावट पत्र, नेमके काय घडले?

बनावट लेटरहेड, बनावट सही आणि हुबेहूब आवाज काढून ३ कोटी २० लाखांचा निधी बीड जिल्ह्यात वर्ग करण्याची मागणी करण्यात आली. लाड यांच्या आवाजात एआय कॉल करून निधी त्वरित वर्ग करा, असे रत्नागिरीच्या अधिकाऱ्यांना सांगण्यात आले.

बीडचे नाव आल्याने सावध झालो – आमदार प्रसाद लाड

माझ्या नावाचा गैरवापर करून निधी चोरण्याच्या प्रकाराची सायन पोलिस ठाण्यात तक्रार दिली आहे. पोलिस आयुक्त व मुख्यमंत्री यांनाही माहिती दिली असून तपासादरम्यान ४ जणांची नावे समोर आली आहेत. त्यातील एकाचे नाव बंडू आहे. तो सरपंच असल्याची प्राथमिक माहिती असून बीड जिल्ह्याचे नाव समोर आल्याने सावध झालो, असे लाड यांनी पत्रकारांना सांगितले.

इतर महत्वाच्या बातम्या….

भडगाव ग्रामीण रुग्णालयाची दयनीय अवस्था, चक्क ऑपरेशन थिएटरमध्ये पाणी गळती

सामाजिक कार्यकर्ते सचिन धांडे यांची महाराष्ट्र राज्य अन्न आयोगावर नियुक्ती

MPSC च्या कारभारावर प्रश्न चिन्ह, अधिकारीपदी निवड झाली, पण २२ जणांना पत्रच नाही