💥 धक्कादायक : जळगाव जिल्हा माहिती कार्यालयाचे वरिष्ठ लिपिक विनोद पाटील यांचे निधन

हॅलो जनता न्यूज, जळगाव : जळगाव जिल्हा माहिती कार्यालयातील वरिष्ठ लिपिक श्री. विनोद शांताराम पाटील (वय ५०) यांचे आज शनिवार, दि. २३ ऑगस्ट २०२५ रोजी दुपारी मुंबई येथील जे. जे. रुग्णालयात उपचार सुरू असताना दुःखद निधन झाले. त्यांच्या निधनाने माहिती व जनसंपर्क विभागासह प्रशासकीय वर्तुळात हळहळ व्यक्त होत आहे.

श्री. पाटील यांना काल शुक्रवार, बैलपोळ्याच्या सुट्टीच्या दिवशी शासकीय निवासस्थानी असताना अचानक अस्वस्थ वाटू लागले. त्यांना तत्काळ जळगाव येथील भंगाळे हॉस्पिटलमध्ये दाखल करण्यात आले. तपासणीदरम्यान त्यांना मेंदूत रक्तस्राव (ब्रेन हॅमेरेज) झाल्याचे समोर आले. प्रकृती गंभीर असल्याने डॉक्टरांच्या सल्ल्यानुसार पुढील उपचारासाठी त्यांना मुंबई येथील जे. जे. रुग्णालयात हलविण्यात आले होते. मात्र उपचार सुरू असतानाच आज दुपारी सुमारे चार वाजता त्यांनी अखेरचा श्वास घेतला.

श्री. पाटील हे अत्यंत शांत, मनमिळाऊ व कर्तव्यदक्ष अधिकारी म्हणून जिल्हा माहिती कार्यालयात ओळखले जात. सहकारी तसेच पत्रकार बांधवांमध्ये त्यांचा स्नेहपूर्ण वागणूक आणि तत्पर कार्यशैलीमुळे विशेष दाद मिळाली होती. त्यांच्या निधनाने माहिती विभागात शोककळा पसरली आहे. त्यांच्या पश्चात पत्नी, दोन मुली असा परिवार आहे. त्यांचा अंत्यविधी उद्या रविवारी, दि. २४ ऑगस्ट रोजी सकाळी अकरा वाजता पाचोरा येथे होणार आहे.

इतर महत्वाच्या बातम्या…

💥 ब्रेकिंग : मनोज जरांगे यांचा सरकारला इशारा, मराठा आंदोलनाची दिशा ठरली…

मनसे भाजप युती, अमित ठाकरे यांनी घेतली भाजपच्या मंत्र्याची भेट…

💥 ब्रेकिंग : जळगावात शिंदेगटाचा भाजपला मोठा धक्का, फडणवीसांचा विश्वासू सहकारी शिंदे सेनेत प्रवेश करणार