💥ब्रेकिंग : अवैध सट्टेबाजी ॲप प्रकरणात प्रसिद्ध क्रिकेटपटू ईडीच्या रडारवर

हॅलो जनता न्यूज, नवी दिल्ली – माजी भारतीय क्रिकेटपटू सुरेश रैना याची अवैध सट्टेबाजी ॲपशी संबंधित मनी लाँड्रिंग प्रकरणात ईडीने (अंमलबजावणी संचालनालय) बुधवारी चौकशी केली. ३८ वर्षीय रैना सकाळी सुमारे ११ वाजता दिल्लीतील ईडी कार्यालयात हजेरीसाठी पोहोचला. यावेळी सीआयएसएफ जवान आणि ईडीचे अधिकारी सुरक्षा व्यवस्थेत उपस्थित होते.

सट्टेबाजी ॲप : काय आहे नेमके प्रकरण…

सूत्रांच्या माहितीनुसार, चौकशीचा संबंध अवैध ऑनलाइन सट्टेबाजी ॲप 1xBet शी आहे. रैना याने या ॲपसाठी जाहिराती केल्या होत्या, असा संशय आहे. चौकशीदरम्यान ईडीने त्याच्याकडून ॲपच्या प्रचारातून मिळालेली रक्कम, संबंधित करार, तसेच या कंपनीतील प्रतिनिधींशी झालेला संपर्क यासंबंधी सविस्तर माहिती घेतली.

अहवालानुसार, विविध अवैध ऑनलाइन सट्टेबाजी ॲपचे देशभरात अंदाजे २२ कोटी वापरकर्ते आहेत. यापैकी जवळपास ११ कोटी लोक नियमितपणे या प्लॅटफॉर्मचा वापर करतात. या ॲपमार्फत नागरिक आणि गुंतवणूकदारांची कोट्यवधी रुपयांची फसवणूक तसेच मोठ्या प्रमाणात करचोरी झाल्याचा आरोप आहे.

सट्टेबाजी ॲप : या प्रसिद्ध सोशल मीडिया प्लॅटफॉर्मची पण चौकशी सुरू…

ईडीने याप्रकरणी गुगल व मेटा (फेसबुक, इन्स्टाग्राम) या तंत्रज्ञान कंपन्यांच्या प्रतिनिधींनाही चौकशीसाठी बोलावले होते. या कंपन्यांच्या प्लॅटफॉर्मवर अशा ॲपची जाहिरात कशी आणि कोणत्या अटींवर करण्यात आली, याचा तपास सुरू आहे. यापूर्वी ईडीने परिमॅच या आणखी एका ऑनलाइन सट्टेबाजी ॲपच्या संदर्भात अनेक राज्यांत छापेमारी केली होती.

अवैध ऑनलाइन सट्टेबाजी ॲपविरुद्धची ही मोहीम पुढील काही दिवसांत आणखी व्यापक होण्याची चिन्हे आहेत, तर माजी क्रिकेटपटूंशी संबंधित चौकशीमुळे या प्रकरणाला अधिक गती मिळण्याची शक्यता वर्तवली जात आहे.

इतर महत्वाच्या बातम्या…

💥ब्रेकिंग : जिल्ह्यातील हजारो लाडक्या बहिणीचे लाभ धोक्यात, पडताळणी सुरू पहा यादी…

💥ब्रेकिंग : जनादेशचोर आणि कफनचोरांचा मुद्दा रंगला; फडणवीस ठाकरे यांच्यात जुंपली

💥ब्रेकिंग : राज्यात पुन्हा पावसाचा जोर, “या” जिल्ह्यांना हवामान विभागाचा इशारा