हॅलो जनता न्यूज, जळगाव – शहरातील न्यू स्टेट बँक कॉलनी परिसरात पोलिसांनी सोमवारी एक खळबळजनक कारवाई करत भाड्याच्या घरात सुरू असलेल्या वेश्याव्यवसायाचा पर्दाफाश केला. या कारवाईत एका दाम्पत्यासह एकूण तीन जणांना अटक करण्यात आली असून, पश्चिम बंगालमधील एका तरुणीची सुटका करण्यात आली आहे. या प्रकरणी रामानंद नगर पोलीस ठाण्यात गुन्हा दाखल करण्यात आला आहे.

देहविक्री रॅकेट : पोलिसांनी अशी केली कारवाई…

रामानंद नगर पोलीस ठाण्याचे निरीक्षक राजेंद्र गुंजाळ यांना गुप्त माहिती मिळाली होती की, न्यू स्टेट बँक कॉलनीतील एका दोन मजली भाड्याच्या घरात देहविक्रीचा अवैध धंदा सुरू आहे. यानुसार, पोलीस उपनिरीक्षक सचिन रणशेवरे यांच्या नेतृत्वाखाली एक विशेष पथक तयार करण्यात आले. तपासाअंती पथकाने एक बनावट (डमी) ग्राहक पाठवून घरातील परिस्थितीची खात्री करून घेतली.

डमी ग्राहकाकडून संकेत मिळताच पोलिसांनी तात्काळ धाड टाकून कारवाई केली. यामध्ये घरमालक दिनेश संजय चौधरी आणि त्याची पत्नी भारती चौधरी यांना ताब्यात घेण्यात आले. त्यांच्यासह आणखी एक तरुणाला अटक झाली आहे. छाप्यातून देहविक्रीसाठी आणलेल्या पश्चिम बंगालमधील एका पीडित तरुणीची सुटका करण्यात आली.

देहविक्री रॅकेट : तीन जण ताब्यात, आरोपींवर गुन्हा दाखल..

या प्रकरणी आरोपींवर भारतीय दंड संहिता आणि अनैतिक मानवी व्यापार (प्रतिबंध) अधिनियमांतर्गत गुन्हा दाखल करण्यात आला आहे. पुढील तपास पोलीस निरीक्षक राजेंद्र गुंजाळ यांच्या मार्गदर्शनाखाली सुरू आहे. पोलिसांच्या या कारवाईने परिसरात मोठी खळबळ उडाली असून, शहरातील अशा अवैध धंद्यांवर अंकुश आणण्यासाठी ही धाड महत्त्वाची ठरली आहे.

इतर महत्वाच्या बातम्या.. .

💥ब्रेकिंग : स्टार्टअप उद्योजकांसाठी सुवर्णसंधी! KCIIL मार्फत स्टार्टअप इन्क्युबेशनसाठी मोठी संधी…

💥ब्रेकिंग : गुरुकुल इंटरनॅशनल स्कूलचा विजयाचा श्रीगणेशा: अक्षिता शेख तालुकास्तरीय कॅरम स्पर्धेत विजयी

💥ब्रेकिंग : उत्तरकाशी दुर्घटना : जळगावच्या तीनही भाविकांची …