🌿 वृक्ष लागवड करून प्रकृतीचे रक्षण ही सर्वांची जबाबदारी – महामंडलेश्वर जनार्दनहरिजी महाराज

हॅलो जनता न्यूज, जामनेर :- “प्रकृतीचे रक्षण करण्याची जबाबदारी प्रत्येकाने अंगिकारली पाहिजे. वृक्षारोपण जितके महत्त्वाचे आहे, तितकेच आधीपासून असलेल्या वृक्षांचे संरक्षण करणे आवश्यक आहे,” असे प्रतिपादन परमपूज्य महामंडलेश्वर जनार्दनहरिजी महाराज यांनी केले.

आई भवानी देवराईत आयोजित वृक्षारोपण व ‘आई भवानी देवराई एक सचित्र वनगाथा’ या पुस्तक प्रकाशन सोहळ्यात ते बोलत होते. या वेळी परिसरात हिरवाई टिकवण्यासाठी झालेल्या प्रयत्नांचे त्यांनी कौतुक केले.

🌱 ३२०० वृक्षांचे संगोपन – पर्यावरण संवर्धनाची नवी दिशा

महाराज म्हणाले की, “चांगले कार्य सुरू करण्यासाठी एखाद्याने पहिले पाऊल उचलले तरी समाज आपोआप सामील होतो. आई भवानी देवराईत ३२०० झाडांची लागवड करून त्यांचे काटेकोर संगोपन झाले आहे. त्यामुळे हा परिसर आज प्रेरणादायी ठरत आहे.”

भविष्यातील पिढ्यांसाठी हा मौल्यवान ठेवा ठरणार असल्याचे त्यांनी नमूद केले. तसेच देवराई फुलविण्यामागे इतिहास अभ्यासक डॉ. विश्वजीत सिसोदिया, सरपंच महेंद्रसिंह कच्छवाह आणि वसुंधरा फाउंडेशनच्या कार्यकर्त्यांचे मोठे योगदान असल्याचेही त्यांनी गौरविले.

‘आई भवानी देवराई एक सचित्र वनगाथा’ पुस्तक प्रकाशन

या सोहळ्यात डॉ. विश्वजीत सिसोदिया लिखित ‘आई भवानी देवराई एक सचित्र वनगाथा’ या पुस्तकाचे प्रकाशन करण्यात आले. या पुस्तकात देवराई संकल्पनेचा इतिहास, आई भवानी देवराईची कल्पना कशी साकारली?, पर्यावरण संवर्धनातील देवराईचे महत्त्व यावर सविस्तर विवेचन आहे.

🏅विशेष सन्मान व सत्कार

श्री राष्ट्रीय राजपूत करणी सेनेतर्फे महामंडलेश्वर जनार्दनहरिजी महाराज यांचा समाजप्रबोधनासाठी केलेल्या अध्यात्मिक कार्याबद्दल “सन्मान चिन्ह” देऊन गौरव करण्यात आला. आई भवानी देवराईत हरितक्रांती घडवणाऱ्या डॉ. विश्वजीत सिसोदिया यांचा सपत्नीक सत्कार तसेच त्यांच्या टीमचा देखील विशेष सन्मान करण्यात आला.

यावेळी उपस्थित मान्यवरांमध्ये डॉ. के.बी. पाटील, प.पू. श्यामचैतन्यजी महाराज, करणी सेनेचे पदाधिकारी, नजरकैदचे संपादक प्रवीणभाऊ सपकाळे, मोयगाव सरपंच प्रा. महेंद्रसिंह कच्छवाह, मा. सभापती नवलसिंह पाटील आदींचा समावेश होता.

🌿 वृक्षारोपण व सामूहिक सहभाग

सोहळ्यात उपस्थित मान्यवरांनी सामूहिकरीत्या वृक्षारोपण केले. महिला, युवक व आबालवृद्धांनी मोठ्या संख्येने सहभाग नोंदवत या उपक्रमाला उत्साहाचे स्वरूप दिले.

 🙏 प्रवीणसिंह पाटील यांचा नागरी सत्कार

मूळचे मोयगाव व सध्या जळगाव निवासी उद्योजक प्रवीणसिंह पाटील यांची श्री राष्ट्रीय राजपूत करणी सेनेत नेमणूक झाल्याबद्दल मोयगाव व पिंपळगाव गोलाई गावकऱ्यांच्या वतीने त्यांचा महामंडलेश्वर जनार्दनहरिजी महाराज यांच्या हस्ते नागरी सत्कार करण्यात आला.

वृक्ष संवर्धनात योगदान देणारे हिरो

या उपक्रमात डॉ. विश्वजीत सिसोदिया, सरपंच महेंद्रसिंह कच्छवाह, जीवनसिंह पाटील, गजानन कच्छवाह, संजय पाटील, प्रेमजीत सिसोदिया, जितेंद्र महाले, सोपान कवळे, उल्हास सिसोदिया, अभिषेक पाटील यांच्यासह अनेक कार्यकर्त्यांनी मनःपूर्वक परिश्रम घेतले.

इतर महत्वाच्या बातम्या…..

🛑 आमदार अमोल जावळेंची खेळी यशस्वी, शरद पवारांच्या राष्ट्रवादीला मोठा धक्का.

🛑 युट्यूब चॅनलला व्ह्यूज मिळत नाही, या Step फॉलो करालाखो व्ह्यूज…

🛑पारोळा-भडगाव रस्त्याच्या कामामुळे शेतकऱ्यांचे मोठे नुकसान, शेतकरी संघटना आक्रमक…