हॅलो जनता न्यूज, जळगाव – अल्पवयीन मुलीच्या अपहरणाच्या संशयावरून पोलिसांनी ताब्यात घेतलेल्या तीन तरुणांना अमानुष मारहाण करून त्यांना एकमेकांशी लैंगिक प्रकार करण्यास भाग पाडल्याचा धक्कादायक प्रकार समोर जळगाव जिल्ह्यातील चोपडा ग्रामीण पोलिस स्थानकात घडला आहे. संशयित आरोपींना अशा प्रकारे वागणूक दिल्याने खळबळ उडाली असून या प्रकरणी जळगाव पोलीस अधीक्षकांनी तात्काळ पोलीस निरीक्षकांना तातडीने निलंबित केले आहे.

चोपडा पोलीस : कुठे घडला हा धक्कादायक प्रकार….

मिळालेल्या माहितीनुसार, जळगाव जिल्ह्यातील चोपडा ग्रामीण पोलीस ठाण्यात परिसरातील एका अल्पवयीन मुलीला फूस लावून पळवून नेल्याची घटना समोर आली होती. या प्रकरणी पोलिसांनी तपास सुरू करून गुन्हा दाखल करण्यात आला होता. या संदर्भात, चोपडा ग्रामीण पोलीस स्थानकाचे पोलीस उपनिरीक्षक सज्जनसिंह नार्हेडा यांनी तीन संशयित तरुणांना पोलीस ठाण्यात चौकशीकामी बोलावले.

पोलीस स्थानकात नेमके काय घडले…

संशयितांनी केलेल्या आरोपानुसार, नार्हेडा यांनी चौकशी करत असताना या तिन्ही तरुणांना अंगावरील कपडे काढायला लावून पट्ट्याने मारहाण केली. एवढेच नव्हे तर, त्यांना नग्न करून एकमेकांसोबत लैंगिक प्रकार करायला भाग पाडल्याचा आरोप या तरुणांनी केला आहे. या आरोपामुळे एकच खळबळ उडाली असून याच प्रकरणात एका महिलेलाही अश्लील शिवीगाळ करून मारहाण केल्याची तक्रार करण्यात आली आहे.

पोलीस अधीक्षकांनी घेतली तक्रारीची गंभीर दखल

या गंभीर घटनेनंतर पीडित तरुणांच्या कुटुंबीयांनी आणि एकलव्य संघटनेने पोलीस अधीक्षक यांच्याकडे झालेल्या प्रकारा संदर्भात तक्रार दाखल केली. या तक्रारींची दखल घेत पोलीस उपनिरीक्षक सज्जनसिंह नार्हेडा यांना तत्काळ निलंबित करण्यात आले असून सध्या त्यांची विभागीय चौकशी सुरू असल्याची माहिती समोर आली आहे.

इतर महत्वाच्या बातम्या…

💥 ब्रेकिंग : जिल्हा परिषद शाळांमध्ये शैक्षणिक साहित्याचे वाटप, स्व. शांताबाई पांडुरंग पाटील यांच्या स्मरणार्थ उपक्रम

💥 ब्रेकिंग : मंत्री गिरीश महाजन यांचा उद्धव ठाकरेंना फोन, नेमके काय घडले..

💥 ब्रेकिंग : लोणावळा हादरले ! तरुणीचे अपहरण करून कारमध्ये तिघांचा अत्याचार, हात पाय बांधून केले दुष्कृत्य…