🚨पाचोरा ब्रेकिंग : अटलगव्हाण गावातील विहिरीत काम करताना इलेक्ट्रिक मोटरीचा शॉक लागून मजुराचा मृत्यू

हॅलो जनता न्यूज, पाचोरा – तालुक्यातील पिंपळगाव पोलिस स्थानकाच्या हद्दीत येणाऱ्या अटलगव्हाण गावात शनिवारी दुपारी एक धक्कादायक अपघात घडला. विहिरीत क्रेन च्या सहाय्याने काम करत असताना इलेक्ट्रिक मोटरचा तीव्र शॉक लागून संजय मोझे (वय अंदाजे ५०) या मजुराचा मृत्यू झाल्याची माहिती समोर आली आहे.

घटनेनंतर गंभीर अवस्थेत संजय मोझे यांना तात्काळ पाचोरा ग्रामीण रुग्णालयात दाखल करण्यात आले. मात्र डॉक्टरांनी तपासणीदरम्यान त्यांना मृत घोषित केले. अचानक झालेल्या या मृत्यूमुळे परिसरात हळहळ व्यक्त केली जात आहे.

पाचोरा : सेफ्टी उपायांचा अभाव ठरला जीवघेणा

संजय मोझे हे विहिरीतील क्रेन च्या सहाय्याने काम पाहत असताना आवश्यक सुरक्षा साधने न वापरल्याने हा अपघात झाल्याचे प्राथमिक तपासात समोर आले आहे. ओले वातावरण, विद्युत प्रवाह आणि सुरक्षा उपायांचा अभाव यामुळे इलेक्ट्रिक शॉक लागून त्यांचा जागीच मृत्यू झाला, अशी माहिती मृत व्यक्तीची पत्नी व प्रत्यक्षदर्शींनी पोलिसांना दिली.

पाचोरा : पोलिसांचा पुढील तपास सुरू

सदर घटनेची माहिती मिळताच पिंपळगाव पोलिसांनी घटनास्थळी धाव घेतली. पंचनामा करून मृतदेह शवविच्छेदनासाठी पाचोरा ग्रामीण रुग्णालयात पाठवण्यात आला आहे. अपघाती मृत्यूची नोंद करून पुढील तपास पिंपळगाव पोलिस स्थानकाचे पोलिस करत आहेत. मात्र सदर मजुराचा मृत्यू हा कुणाच्या हलगर्जीपणाने झाला याची चौकशी व्हावी अशी मागणी मताच्या नातेवाईकांनी केली आहे. अचानक गेलेल्या संजय मोझे यांच्या निधनामुळे अटलगव्हाण गावात दुःखाचे सावट पसरले असून कुटुंबावर शोककळा पसरली आहे.

इतर महत्वाच्या बातम्या…

🚨 ब्रेकिंग : भडगाव नगरपालिका निवडणुकीचे चित्र स्पष्ट, अशा होणार लढती…

🚨 ब्रेकिंग : भल्या पहाटे पाचोरा शहरात पोलिसांचे धडाकेबाज कोम्बिंग ऑपरेशन

🚨 ब्रेकिंग : शाळा सोडून प्रचारात फिरणाऱ्या ‘त्या’ शिक्षकांवर कारवाई होणार, जिल्हा प्रशासन अलर्ट मोडवर