🚨 ब्रेकिंग : कोकाटेंच्या जागी कुणाची वर्णी? काय म्हणाले माजी मंत्री अनिल पाटील..

हॅलो जनता न्यूज, जळगाव – राज्याचे मंत्री माणिकराव कोकाटे यांनी राजीनामा दिल्यानंतर त्यांच्या रिक्त झालेल्या मंत्रीपदावर कुणाची वर्णी लागणार, याबाबत राजकीय वर्तुळात जोरदार चर्चा सुरू झाली आहे. या पार्श्वभूमीवर राष्ट्रवादी काँग्रेस (अजित पवार गट) पक्षाचे प्रवक्ते तथा अमळनेरचे आमदार अनिल पाटील यांना मंत्रीपद मिळण्याची दाट शक्यता असल्याच्या चर्चांना उधाण आले आहे.

आगामी स्थानिक स्वराज्य संस्थांच्या निवडणुका तोंडावर असताना, माजी मंत्री अनिल पाटील यांना मंत्रीपद मिळाल्यास पक्षाला मोठा राजकीय फायदा होईल, असा विश्वास कार्यकर्त्यांकडून व्यक्त केला जात आहे. विशेषतः धुळे, जळगाव आणि नंदुरबार या तीन जिल्ह्यांमध्ये पक्षसंघटन अधिक मजबूत होऊन राष्ट्रवादी काँग्रेसची ताकद वाढेल, असे मत कार्यकर्ते व पदाधिकाऱ्यांनी मांडले आहे.

अनिल पाटलांना मंत्री पदाच्या उत्तम कामाचा अनुभव…

उत्तर महाराष्ट्रात राष्ट्रवादी काँग्रेसला पुन्हा एकदा मंत्रिपद मिळावे, अशी मागणी जोर धरत असून, माजी मंत्री अनिल पाटील यांच्या रूपाने या भागाला प्रतिनिधित्व मिळावे, कारण त्यांनी अगोदर मंत्रीपद भूषविले असून त्यात अत्यंत उत्तम कामगिरी केली आहे. अशी अपेक्षा जळगाव जिल्ह्यातील पक्षाचे नेते, पदाधिकारी व कार्यकर्त्यांनी उपमुख्यमंत्री अजित पवार यांच्याकडे व्यक्त केली आहे. यामुळे आगामी निवडणुकांमध्ये पक्षाला अनुकूल वातावरण निर्माण होईल, असा राजकीय अंदाज व्यक्त केला जात आहे.

याबाबत पक्षश्रेष्ठी निर्णय घेतील – अनिल पाटील..

दरम्यान, यासंदर्भात प्रतिक्रिया देताना माजी मंत्री अनिल पाटील यांनी स्पष्ट भूमिका मांडली. ते म्हणाले, “मंत्रिपद कुणाला द्यायचे हे पक्षाचे सर्वेसर्वा आणि वरिष्ठ नेते ठरवतात. सध्या आमचे लक्ष्य मंत्रीपद नसून आगामी निवडणुकांमध्ये कार्यकर्ता म्हणून पक्षाची ताकद वाढवणे हेच आहे. मंत्रिपदाबाबत निर्णय अजितदादा आणि पक्षाचे वरिष्ठ नेते घेतील.”

अनिल पाटील यांच्या या संयमित प्रतिक्रियेमुळे त्यांची पक्षनिष्ठा आणि संघटनात्मक भूमिका अधोरेखित होत असून, राजकीयदृष्ट्या त्यांचे नाव चर्चेत असले तरी त्यांनी निवडणुकांवर लक्ष केंद्रित केल्याचे स्पष्ट केले आहे. एकंदरीत, मंत्रीपदासाठी अंतिम निर्णय अद्याप व्हायचा असला तरी, अनिल पाटील यांच्या नावाभोवती फिरणाऱ्या चर्चांमुळे उत्तर महाराष्ट्रातील राजकारणात नव्याने हालचालींना वेग आला आहे. आगामी काळात अजित पवार यांचा निर्णय काय असेल, याकडे सर्वांचे लक्ष लागून राहिले आहे.

इतर महत्वाच्या बातम्या…

ब्रेकिंग : पाचोरा नगरपालिका निवडणुकीत “या” दोन प्रभागात आज मतदान, उद्याच्या निकालाकडे राज्याचे लक्ष

ब्रेकिंग : नगरपरिषद/नगरपंचायत निवडणूक पार्श्वभूमीवर जिल्हाधिकाऱ्यांचा महत्त्वाचा निर्णय..

ब्रेकिंग : ग. स. सोसायटीची भरती प्रक्रिया एजन्सी मार्फत करावी – आमदार चंद्रकांत पाटील