💥विद्यापीठाच्या भौतिक शास्त्र प्रशाळेतील विद्यार्थिनी नेहा मालपुरे सेट परीक्षा उत्तीर्ण

हॅलो जनता न्यूज, भडगाव, दि. १ सप्टेंबर : कवयित्री बहिणाबाई चौधरी उत्तर महाराष्ट्र विद्यापीठाच्या भौतिक शास्त्र प्रशाळेतील विद्यार्थिनी नेहा मालपुरे यांनी सहाय्यक प्राध्यापक पदासाठी आवश्यक असणारी राज्यस्तरीय पात्रता परीक्षा (SET- जून २०२५) त्यांनी उत्तीर्ण केली आहे. त्यांच्या या उल्लेखनीय यशामुळे भडगाव तालुक्यासह सर्वत्र आनंद व्यक्त करण्यात येत आहे.

नेहा मालपुरे या जळगाव जिल्ह्यातील भडगाव येथील रहिवाशी असून सद्यःस्थितीत पुणे येथे शिक्षिका म्हणून कार्यरत असून भडगाव येथील मानवराज प्रतिष्ठानचे नीलेश व चित्रा मालपुरे यांच्या कन्या आहेत. शैक्षणिक क्षेत्रात सातत्याने प्रगती करत त्यांनी पुण्यात शिक्षक म्हणून कार्य करताना विद्यार्थ्यांमध्ये लोकप्रियता मिळवली आहे.

त्यांच्या बहुआयामी व्यक्तिमत्त्वाचीही विशेष दखल घेण्यात येत आहे. वाचनाची आवड, चित्रकलेत गती, लेखनाची ओढ आणि अध्यापन कौशल्यामुळे त्यांची एक वेगळी ओळख निर्माण झाली आहे. सध्या त्या भौतिकशास्त्र विषयात पीएच.डी. करीत असून शैक्षणिक क्षेत्रात संशोधनात्मक योगदान देत आहेत.

नेहा मालपुरे यांच्या या यशाचा गौरव करण्यासाठी जागृती मित्र मंडळ, जागृती वाचनालय, केशवसूत ज्ञान प्रबोधिनी या विविध संस्थेतर्फे त्यांचा सत्कार करण्यात आला. यावेळी नारायण कोतकर, विजय देशपांडे, नागेश वाघ, प्रशांत कुंभारे, मंदार कासार, संदीप अग्रवाल, प्रा. डॉ. दिनेश तांदळे, प्रा. पी. डी. पाटील, प्रा. डॉ. दीपक मराठे आदी मान्यवर उपस्थित होते.सत्कारप्रसंगी वक्त्यांनी नेहा मालपुरे यांच्या यशाची प्रशंसा करत त्यांच्या पुढील शैक्षणिक वाटचालीस शुभेच्छा दिल्या. त्यांच्या यशामुळे भडगावातील विद्यार्थ्यांना प्रेरणा मिळणार असल्याचे मत मान्यवरांनी व्यक्त केले.

इतर महत्वाच्या बातम्या…

💥 ब्रेकिंग : महसूल प्रशासन हतबल, भर पावसात वाळू माफियांचा उच्छाद…

💥 ब्रेकिंग : पेट्रोल भरताना काळजी घ्या अन्यथा… तुमची होऊ शकते फसवणूक…

💥 ब्रेकिंग : विद्यार्थ्यांच्या सुरक्षिततेसाठी महाराष्ट्र स्टुडंट युनियन आक्रमक, सर्व शाळांमध्ये सीसीटीव्ही लावण्याची मागणी