हॅलो जनता न्युज, जळगाव :
Jalgaon Crime : खून आणि मारामारीसारख्या गंभीर गुन्ह्यांमध्ये सहभागी असलेल्या तुकारामवाडीतील आकाश उर्फ खंड्या सुकलाल ठाकूर (वय २३), पवन उर्फ बद्या दिलीप बाविस्कर (वय २३), आणि आकाश उर्फ आक्या ब्रो रविंद्र मराठे (वय २२) या तिघांना दोन वर्षांसाठी जिल्ह्यातून हद्दपार करण्यात आले आहे. याबाबतचे आदेश पोलीस अधीक्षक डॉ. महेश्वर रेड्डी यांनी दिले आहेत.
वाढत्या गुन्हेगारीवर नियंत्रणासाठी पोलीस दल अलर्ट
शहरातील गुन्हेगारी रोखण्यासाठी जिल्हा पोलीस दल सतर्कतेने काम करत आहे. वारंवार प्रतिबंधात्मक कारवाई करूनही गुन्हेगारांच्या वागण्यात सुधारणा होत नसल्यामुळे रेकॉर्डवरील गुन्हेगारांवर कठोर पावले उचलण्यात येत आहेत.
हद्दपारीचा प्रस्ताव
तुकारामवाडी परिसरातील आकाश उर्फ खंड्या ठाकूर याच्यावर सात गुन्हे, पवन उर्फ बद्या बाविस्कर याच्यावर सहा गुन्हे, तर आकाश उर्फ आक्या ब्रो मराठे याच्यावर खूनासह चार गंभीर गुन्हे दाखल आहेत. एमआयडीसी पोलीस ठाण्याचे निरीक्षक संदीप पाटील यांनी या तिघांच्या हद्दपारीसाठी प्रस्ताव पोलीस अधीक्षक डॉ. महेश्वर रेड्डी यांच्याकडे पाठवला होता.
Jalgaon Crime : पोलीस कारवाई
पोलीस अधीक्षकांच्या स्वाक्षरीनंतर हद्दपारीचे आदेश लागू करण्यात आले. एमआयडीसी पोलीस ठाण्याच्या गुन्हे शोध पथकाने उपनिरीक्षक राहूल तायडे, चंद्रकांत धनके, योगेश बारी, किशोर पाटील, विकास सातदिवे, आणि योगेश घुगे यांच्या नेतृत्वाखाली या तिघांना जिल्ह्यातून हद्दपार केले.
Jalgaon MIDC : एमआयडीसीतील सिद्धिविनायक चटई फॅक्टरीला भीषण आग; मोठ्या प्रमाणावर नुकसान
New Year Celebration : जळगाव : नववर्ष स्वागताला तयार, ‘ड्रंक अँड ड्राईव्ह’वर पोलिसांची करडी नजर
New Year Celebration : जळगाव : नववर्ष स्वागताला तयार, ‘ड्रंक अँड ड्राईव्ह’वर पोलिसांची करडी नजर
