🛑ब्रेकिंग : हिवरा मध्यम प्रकल्पाच्या मुख्य संरक्षण भिंतीत अडकले भले मोठे झाड, गंभीर धोका

desk4 weeks ago

0 328 1 minute read

हॅलो जनता न्यूज, पाचोरा – तालुक्यातील खडकदेवळा हिवरा मध्यम प्रकल्पाच्या उगमस्थानी झालेल्या मुसळधार पावसामुळे प्रकल्पात मोठ्या प्रमाणावर पाणी वाढले असून मुख्य भिंतीला गंभीर धोका निर्माण झाल्याचे समोर आले आहे.

पावसाच्या पाण्याचा जोर वाढल्याने धरणाच्या मुख्य भिंतीवरून पाणी वाहत आहे. याच ठिकाणी काही व्यक्तींनी मासे पकडण्यासाठी वायर रोपच्या साह्याने मोठमोठी जाळी लावली होती. या जाळ्यात आता भले मोठे झाड अडकून पडले असून पाण्याचा प्रवाह अडवला जात आहे. परिणामी, भिंतीवर अतिरिक्त दाब निर्माण होऊन धरणाच्या सुरक्षेबाबत प्रश्नचिन्ह निर्माण झाले आहे.

इतर महत्वाच्या बातम्या…

🛑 पावसाचा हाहाकार : शिंदाड राजुरीसह अनेक गावांना फटका, रात्रीत शेकडो गुरे वाहून गेल्याची भीती…

🛑 सातगाव डोंगरी परिसरात इतके नुकसान, महसूल प्रशासनाचे युद्ध पातळीवर पंचनामे सुरू…

🛑 आमदार किशोर पाटलांचा मंत्री गिरीश महाजनांना फोन, तत्काळ पंचनामे करून नुकसान भरपाईचे आदेश…

या प्रकारामुळे स्थानिक नागरिकांमध्ये भीतीचे वातावरण असून प्रशासनाने तात्काळ हस्तक्षेप करून झाड काढून टाकावे, तसेच मासेमारीसाठी लावलेल्या अनधिकृत जाळ्यांवर कारवाई करावी, अशी मागणी होत आहे. दरम्यान, संबंधित व्यक्तीने पाटबंधारे विभागातील काही अधिकाऱ्यांशी हातमिळवणी केल्याची चर्चा स्थानिकांमध्ये रंगत आहे. त्यामुळे या प्रकरणात नेमकी चौकशी होऊन दोषींवर कठोर कारवाई होईल का, याकडे सर्वांचे लक्ष लागले आहे.

हिवरा मध्यम प्रकल्प हा पाचोरा तालुक्यासाठी महत्त्वाचा जलस्रोत असून याची मुख्य भिंत सुरक्षित राहणे आवश्यक आहे. त्यामुळे संबंधित विभागाने तात्काळ पावले उचलून नागरिकांच्या जीवित व मालमत्तेचे रक्षण करावे, अशी एकमुखी मागणी स्थानिक ग्रामस्थ व सामाजिक संघटनांनी केली आहे.