💥 ब्रेकिंग : भडगाव शहरातील जिल्हा परिषद शाळेची दयनीय अवस्था, नागरिक संतप्त..

desk14 hours ago

0 87 1 minute read

हॅलो जनता न्यूज, भडगाव : शहरातील जिल्हा परिषद शाळा क्रमांक २, भडगाव पेठ येथे विद्यार्थ्यांचे शैक्षणिक व सामाजिक जीवन धोक्यात आले असून शाळेची अवस्था खराब असून प्रशासनाकडून शाळा पूर्णतः दुर्लक्षित झाल्याचे चित्र स्पष्टपणे समोर आले आहे.

या शाळेत खेळण्यासाठी कोणतेही मैदान उपलब्ध नसून, संपूर्ण आवारात गवत व झुडपे वाढलेली आहेत. त्यामुळे लहान मुलांच्या आरोग्यावरही गंभीर परिणाम होण्याची शक्यता आहे. शाळेच्या परिसरात मोठ्या प्रमाणात अस्वच्छता असून, कोणतीही साफसफाई गेल्या अनेक दिवसांपासून करण्यात आलेली नाही. शौचालये पूर्णपणे नादुरुस्त अवस्थेत असून, विद्यार्थ्यांना मोठ्या अडचणींना सामोरे जावे लागत आहे. स्वयंपाक घरात पावसाळ्यात पाणी साचते, त्यामुळे शालेय पोषण आहाराचीही व्यवस्था विस्कळीत झाली आहे. शाळेच्या इमारतीच्या भिंती झिजून शेवटच्या टप्प्यावर पोहोचल्या असून, दुर्घटनेची शक्यता नाकारता येत नाही.

एकूणच, भडगाव शहरातील या शाळेची अवस्था अत्यंत दयनीय असून, प्रशासन मात्र गाढ झोपेत आहे. जिल्हा परिषद, भडगाव नगर परिषद याकडे लक्ष देत नसल्याचे दिसून येत आहे. स्थानिक पालक व नागरिकांनी याबाबत तीव्र नाराजी व्यक्त केली असून, संबंधित अधिकाऱ्यांनी तातडीने हस्तक्षेप करून शाळेची दुरुस्ती, स्वच्छता आणि मुलांसाठी सुरक्षित वातावरण निर्माण करावे, अशी मागणी नागरिकांनी करीत तीव्र आंदोलनाचा इशारा दिला आहे.

इतर महत्वाच्या बातम्या….

💥 ब्रेकिंग : महिलेवर गुंगीचे औषध देत अत्याचार; लाखोंची फसवणूक, संतापजनक प्रकार…

💥 ब्रेकिंग : उज्ज्वल निकम यांची राज्यसभेवर वर्णी, भाजपचा मोठा निर्णय

💥 ब्रेकिंग : विद्यार्थ्याचे मृत्युप्रकरण : वैद्यकीय अहवालात मृत्यूचे धक्कादायक कारण आले समोर…