🛑 “युवा SPARK-२०२५’ या विद्यापीठस्तरीय इनोव्हेशन स्पर्धेच्या माहितीपत्रकाचे अनावरण

हॅलो जनता न्यूज, जळगाव दि. २४ – विद्यार्थ्यांच्या नाविन्यपूर्ण कल्पनांना नवी दिशा व पंख देण्यासाठी कावयित्री बहिणाबाई चौधरी उत्तर महाराष्ट्र विद्यापीठ, जळगाव येथील केसीआयआयएल (KCIIL) इन्क्युबेशन सेंटर तर्फे युवारंग २०२५ अंतर्गत प्रथमच आयोजित होणाऱ्या ‘युवा SPARK-२०२५’ या विद्यापीठस्तरीय इनोव्हेशन स्पर्धेच्या माहितीपत्रकाचे अनावरण कुलगुरू प्रा. विजय एल. माहेश्वरी यांच्या हस्ते आज २४ सप्टेंबर रोजी करण्यात आले.

या प्रसंगी KCIIL संचालक मंडळ सदस्य डॉ. राजेश जावळेकर, डॉ. आशुतोष पाटील, डॉ. अरुण इंगळे, वित्त व लेखाधिकारी सीए रवींद्र पाटील तसेच केसीआयआयएल कार्यक्रम समन्वयक रोशनी जैन उपस्थित होत्या.

युवा SPARK-२०२५ ही स्पर्धा विद्यार्थ्यांना त्यांचे नवोन्मेषी विचार प्रत्यक्षात आणण्याची संधी देणार असून शेती, ग्रामीण विकास, नवतंत्रज्ञान आणि ओपन इनोव्हेशन या क्षेत्रांतून विद्यार्थ्यांना त्यांच्या नवकल्पना सादर करण्यासाठी एक अद्वितीय व्यासपीठ उपलब्ध करून देणार आहे. ही स्पर्धा विद्यार्थ्यांच्या कल्पनाशक्तीला चालना देऊन त्यांना स्टार्टअप व उद्योजकतेकडे वाटचाल करण्यास प्रेरित करणार आहे.

युवा SPARK-२०२५ या स्पर्धेची रूपरेषा :

१) कल्पना नोंदणी: २० सप्टेंबर ते ५ ऑक्टोबर २०२५

२) ज्युरी द्वारे मूल्यांकन,

३) सर्वोत्कृष्ट १० कल्पनांचे युवारंग २०२५ मध्ये सादरीकरण

४) ३ सर्वोत्कृष्ट कल्पनांना युवारंग २०२५ मध्ये बक्षीस वितरण. तसेच सर्वोत्कृष्ट १० कल्पनांना KCIIL मार्फत एक वर्ष मोफत इनक्युबेशन सहाय्य दिले जाणार आहे.

विद्यार्थ्यांनी या स्पर्धेत उत्स्फूर्तपणे सहभागी व्हावे, आपले कल्पक व नाविन्यपूर्ण विचार मांडावेत आणि विद्यापीठाच्या स्टार्टअप व इनोव्हेशन इकोसिस्टमला अधिक बळकट करावे. ही स्पर्धा केवळ पुरस्कार जिंकण्याची संधी नाही तर आपल्या कल्पनांना वास्तवात आणून स्टार्टअपमध्ये रूपांतरित करण्याची सुवर्णसंधी आहे. अधिक माहितीसाठी व नोंदणीसाठी : https://kciil-kbcnmu.in यावर संपर्क साधावा असे आवाहन केले.

इतर महत्वाच्या बातम्या…

🛑 नवरात्रोत्सवात गाळण गावात सप्तश्रृंगी मातेची स्थापना, छत्रपती ग्रुपचे सर्वत्र कौतुक…

🛑 ब्रेकिंग : शेतकऱ्यांच्या मदतीसाठी ₹2215 कोटी मंजूर, “या” जिल्ह्यांना मिळाली सर्वाधिक मदत

🛑 ब्रेकिंग : अधिकारी होण्याचे स्वप्न अपूर्ण, १८ वर्षीय तरुणाचा अपघाती मृत्यू..