🛑 जळगाव जिल्ह्यातील सेविका मदतनीसांच्या ग्रॅच्युटीसंदर्भातील बैठक उत्साहात संपन्न

हॅलो जनता न्यूज, जळगाव : जळगाव जिल्ह्यातील सेवानिवृत्त, राजीनामा दिलेल्या तसेच निधन झालेल्या सेविका मदतनीसांच्या वारसांची महत्त्वपूर्ण बैठक डॉ. श्यामा प्रसाद मुखर्जी उद्यान येथे मोठ्या उत्साहात पार पडली. या बैठकीस ज्येष्ठ कायदेतज्ज्ञ ऍड. एस. बी. पाटील (धुळे), रामकृष्ण बी. पाटील, युवराज बैसाणे तसेच ऍड. चैतन्य बर्गे यांची प्रमुख उपस्थिती होती.

बैठकीत बोलताना ऍड. एस. बी. पाटील यांनी 2022 मध्ये मा. सर्वोच्च न्यायालयाने दिलेल्या निकालाचा संदर्भ देत सांगितले की, सेविका मदतनीसांना सेवानिवृत्तीनंतर ग्रॅच्युटी ऍक्ट 1972 नुसार ग्रॅच्युटी देण्याचा आदेश न्यायालयाने दिलेला आहे. त्यानुसार सेविका मदतनीसांना सेवेनुसार 50 हजार रुपये ते साडेतीन लाख रुपये इतकी रक्कम मिळण्यास पात्रता आहे.

धुळे व नंदुरबार जिल्ह्यांतील सेविका मदतनीसांना न्यायालयाच्या आदेशानुसार सुमारे 2 कोटी 13 लाख रुपयांची रक्कम जिल्हा परिषदेने मा. न्यायालयात डिपॉझिट केल्याची माहिती युवराज बैसाणे यांनी दिली. त्यामुळे जळगाव जिल्ह्यातील सेविका मदतनीसांनी देखील न्यायालयीन मार्गाने ग्रॅच्युटी मिळवण्यासाठी एकत्र येऊन प्रयत्न करावेत, असे आवाहन करण्यात आले.

रामकृष्ण पाटील यांनी उपस्थित सेविका मदतनीसांना मार्गदर्शन करताना स्पष्ट केले की, सर्वोच्च न्यायालयाच्या आदेशानुसार जळगाव जिल्ह्यातील सेविका मदतनीसांना देखील ग्रॅच्युटी मिळण्याचा मार्ग मोकळा आहे. मात्र ही रक्कम मिळवण्यासाठी कोर्ट केस करणे हा एकमेव पर्याय असल्याचे त्यांनी अधोरेखित केले.

या बैठकीस जळगाव जिल्ह्यातील विविध भागांतून मोठ्या संख्येने सेविका मदतनीस व त्यांच्या वारसांची उपस्थिती होती. बैठकीच्या शेवटी सर्वांनी न्यायालयीन मार्गाने ग्रॅच्युटी मिळवण्यासाठी लढा सुरू ठेवण्याचा निर्धार व्यक्त केला.

इतर महत्वाच्या बातम्या….

🛑 अभिनेत्रीपासून उद्योजिकेपर्यंत मालविका गायकवाड – एक बहुआयामी प्रवास

🛑 एस टी महामंडळात मोठे भ्रष्टाचार, भ्रष्टाचार निवारण समितीची महत्त्वपूर्ण बैठक

🛑 ब्रेकिंग : जळगाव हादरले, जुन्या वादातून तरुणावर चाकूने हल्ला, तरुण गंभीर जखमी…