🛑पाचोरा : नुकत्याच लोकार्पण झालेल्या उपविभागीय पोलिस अधिकारी कार्यालय पाण्यात, कामाच्या दर्जावर प्रश्नचिन्ह..

desk3 weeks ago

0 181 1 minute read

हॅलो जनता न्यूज, पाचोरा – शहरात सोमवारी झालेल्या मुसळधार पावसामुळे नव्याने लोकार्पण झालेले उपविभागीय पोलिस अधिकारी कार्यालय पाण्याखाली गेले. काही दिवसांपूर्वीच या कार्यालयाचे उद्घाटन करण्यात आले होते. मात्र, मुसळधार पावसात कार्यालय परिसराची विदारक परिस्थिती समोर आली आहे. काही दिवसांपूर्वीच या कार्यालयाचे भव्य लोकार्पण करण्यात आले असून या कार्यक्रमाला लोकप्रतिनिधींसह पोलीस विभागाच्या वरिष्ठ अधिकाऱ्यांची उपस्थिती होती.

उपविभागीय पोलीस अधिकारी कार्यालय पाचोरा..

मिळालेल्या माहितीनुसार, नवीन इमारत उभी करताना पावसाच्या पाण्याचा निचरा व्यवस्थित करण्यात आला नाही. त्यामुळे मुसळधार पावसाच्या पाण्याने कार्यालयाचा संपूर्ण परिसर जलमय झाला. यामुळे कार्यालयीन कामकाजात अडथळा निर्माण झाला असून, कागदपत्रे आणि साहित्याचे नुकसान होण्याची भीती व्यक्त केली जात आहे.

जेसीबी आणून तात्पुरती केली व्यवस्था पण कायमस्वरूपी काय?

स्थानिक नागरिकांनी व कर्मचाऱ्यांनी या प्रकाराबद्दल नाराजी व्यक्त केली आहे. “नवीन इमारत असूनही असा पाण्याचा साठा होणे हे बांधकामातील मोठे दुर्लक्ष आहे. प्रशासनाने तातडीने दुरुस्तीचे काम करावे अन्यथा पुढील पावसात परिस्थिती आणखी बिकट होईल” अशी प्रतिक्रिया देत नागरिकांनी निकृष्ट कामावरून नाराजी व्यक्त केली आहे.

दरम्यान, सतत येणाऱ्या पावसामुळे पाणी उपसण्यासाठी यंत्रणा कामाला लागली आहे. परंतु, या घटनेमुळे बांधकामाच्या गुणवत्तेवर व नियोजनावर मोठा प्रश्नचिन्ह उपस्थित झाला आहे. थोडक्यात, काही दिवसांपूर्वी लोकार्पण झालेले उपविभागीय पोलिस अधिकारी कार्यालय पहिल्याच पावसात पाण्याखाली जाऊन प्रशासनाच्या नियोजन व बांधकामाच्या गुणवत्तेची पोलखोल करत आहे.

इतर महत्वाच्या बातम्या…

🚨 ब्रेकिंग : पाचोरा ढगफुटी, शेत पाहायला गेलेल्या शेतकऱ्याचा नाल्यात वाहून मृत्यू

🛑 भडगावात पूरस्थितीचे सावट; प्रशासनाकडून ‘रेड अलर्ट’ जारी

🛑 पाचोरा तालुक्याला पुन्हा अतिवृष्टीचा तडाखा, गावांमध्ये पाणी शिरल्याने संपर्क तुटला.