🚨 सावदा शहरात जोरदार पाऊस; बाजारपेठेत पाणी साचल्याने नागरिक हैराण

हॅलो जनता न्यूज, सावदा (ता. रावेर) : रविवारी संध्याकाळी झालेल्या जोरदार पावसामुळे सावदा शहरात पाणी साचून नागरिकांचे मोठे हाल झाले. विशेषतः रविवार पेठ व मुख्य बाजारपेठ परिसरात नाल्याचे पाणी शिरल्याने रस्ते व घरांसमोर मोठ्या प्रमाणावर पाणी साचले. यामुळे नागरिकांना वाहतुकीसह दैनंदिन व्यवहारांमध्ये प्रचंड अडचणींना सामोरे जावे लागले.

सावदा नगरपालिका : दरवर्षी पाणी साचत असल्याने नागरिक हैराण…

शहरात दरवेळी पावसाळ्यात अशीच परिस्थिती निर्माण होते. मुख्य बाजारपेठेत नाल्याचे पाणी ओसंडून येते आणि ठिकठिकाणी साचते. परिणामी व्यापाऱ्यांना दुकाने उघडणे कठीण होते, तर ग्राहकांनाही बाजारात येणे टाळावे लागते. यामुळे आर्थिक व्यवहारावरही परिणाम होत आहे. स्थानिक नागरिकांनी व व्यापाऱ्यांनी अनेकदा नगरपालिका प्रशासनाकडे लेखी निवेदन देऊन या समस्येकडे लक्ष वेधले आहे. मात्र प्रशासनाकडून अद्याप कोणतीही ठोस कारवाई करण्यात आलेली नाही. नाल्यांची साफसफाई व पाण्याचा योग्य निचरा होण्यासाठी आवश्यक ती कामे केली जात नसल्यामुळे नागरिकांमध्ये संताप निर्माण झाला आहे.

सावदा नगरपालिका : प्रशासनाविरोधात नागरिक आक्रमक..

यामुळे नागरिकांनी प्रशासनाविरोधात आक्रमक भूमिका घेतली असून, लवकरच योग्य तो उपाय न केल्यास तीव्र आंदोलन उभारण्याचा इशारा दिला आहे. नागरिकांनी वारंवार साचणाऱ्या पाण्यामुळे संसर्गजन्य रोगांचा धोकाही वाढत असल्याचे सांगत तातडीने उपाययोजना करण्याची मागणी केली आहे. प्रशासनाने या समस्येकडे गांभीर्याने लक्ष देऊन कायमस्वरूपी उपाययोजना केल्या नाहीत, तर पुढील काही दिवसांत सावदा शहरात आंदोलन पेटण्याची चिन्हे दिसत आहेत.

इतर महत्वाच्या बातम्या….

💊 फार्मसी क्षेत्रात कृत्रिम बुद्धिमत्ता या विषयावरील राष्ट्रीय परिषद उत्साहात संपन्न

🚨 मराठा आंदोलकांचा गुणरत्न सदावर्ते यांच्या गाडीवर हल्ला; नेमक काय घडलं…

🛑 ब्रेकिंग : त्र्यंबकेश्वर येथे पत्रकारांवर हल्ला : मंत्री गिरीश महाजन यांचा निषेध